U Minsku prajšła akcyja studentaŭ suprać uviadzieńnia apłaty za pierazdačy

12:25

Akcyja płanujecca na 13:50. Raniej paviedamlałasia, što ŭ 13:30 adbudziecca sustreča rektara BDU Siarhieja Abłamiejki z moładździu, ale jana była admieniena z «bojazi pravakacyj».

Pa stanie na 12:25 u Michajłaŭskim skviery BDU nazirajecca niekalki dziasiatkaŭ «asobaŭ u cyvilnym», niekatoryja z navušnikami. Raniej ich było bahata na akcyjach, što ładziŭ uvosień Mikoła Statkievič.

Uvachod u hałoŭny korpus BDU z boku płoščy Niezaležnaści začynieny. Na dźviarach — papierka «Ramont», ale ŭ budynak puskajuć «ludziej u cyvilnym» i milicyju.

12:45

Pavialičyć

Pryjšła dziaŭčyna Hanna. Jana skazała, što navučajecca na 3-m kursie fakulteta sacyjałohii i sacyjalnych navuk dy vystupaje suprać ŭviadzieńnia płatnych pierazdačaŭ.

Pryjšoŭ taksama hramadski aktyvist Maksim Viniarski z hrupaj tavaryšaŭ. «Vy taksama student?» — spytali žurnalisty. «Nie, — adkazaŭ jon. — Ja daviedaŭsia pra akcyju praz fejsbuk». 

12:49

Pavialičyć

Pryjšoŭ jašče adzin udzielnik. Jaho zavuć Hleb. Jon kaža, što navučajecca na 2-m kursie fakulteta fiłałohii i pryjšoŭ pratestavać suprać samaŭpraŭstva ŭłady. U chłopca — šapka z pahoniaj i bieł-čyrvona-bieły ściažok na sumcy. Jon pryvioŭ dvuch siabroŭ.

Udzielnikaŭ-studentaŭ pakul vosiem čałaviek, usich razam — z žurnalistami i cicharami — 60.

12:58

Pryjšoŭ hramadski aktyvist, eks-vysłaniec Pavieł Vinahradaŭ. Jon skazaŭ, što choć nie źjaŭlajecca studentam, jaho abaviazak — padtrymlivać lubuju vartuju hramadskuju i inicyjatyvu.

12:59

Studentaŭ užo kala 15 čałaviek.

Pavialičyć

13:01

Dvoje milicyjantaŭ padyšli da supracoŭnikaŭ Biełaruskaha chielsinskaha kamiteta, jakija nazirajuć za akcyjaj. Pytajucca pra mety akcyi i ŭdzieł BCHK. Pakul usio spakojna.

13:08

Pradstaŭniki milicyi, pierapisaŭšy źviestki niekatorych udzielnikaŭ, syšli. A ŭdzielniki akcyi pakul nie viedajuć, što rabić. Jany razdajuć adzin adnamu cukierki.

Naciahvajuć na tvar šaliki. «Navošta?», — pytajucca karespandenty «Našaj Nivy».

Tut užo dumki padzialilisia. Adnyja kažuć, kab ich nie paznali i nie vyličyli. Inšyja kažuć, što na vulicy chałodna, kab nie abmarozicca.

13:12

Udzielnikaŭ akcyi užo niekalki dziasiatkaŭ čałaviek.

Adzin z chłopcaŭ pryjšoŭ z płakatam «Naša siła — salidarnaść, nie maŭčy, zmahajsia za svaje pravy».

Cikava taksama, što milicyja adkazvaje žurnalistam pa-biełarusku: «My nie składajem pratakoły, a znajomimsia».

13:25

Studenty niečakana padarvalisia i skazali, što im treba zrabić koła vakoł univiersiteta, ciapier jany ruchajucca ŭ kirunku vulicy Babrujskaj i čyhunačnaha vakzała.

Pavialičyć

13:30

Studenty dajšli da novaha budynka Fakulteta mižnarodnych adnosin BDU, što staić na rahu Leninhradskaj i Babrujskaj. Nijakich ściahoŭ, łozunhaŭ. Prachožyja sa ździŭleńniem hladziać na hetu akcyju. Udzielnikaŭ akcyi kala 30 čałaviek.

Šeście spyniłasia kala bakavoha ŭvachodu ŭ BDU na vulicy Babrujskaj, ale studentaŭ u hety ŭvachod nie puścili.

Pavialičyć

13:35

Niejki ekscentryčny pažyły mužčyna nakinuŭsia na videaapieratara Vasila Siamašku, jaki vioŭ videazdymku. «Nie zdymaj mianie», — vykazaŭ pretenziju mužčyna.

Na chłopca z płakatam składajuć pratakoł.

Pavialičyć

Pavialičyć

13:52

Udzielniki akcyi dajšli da hałoŭnaha ŭvachodu i skandujuć «Dekan, vychodź!». Jaki dekan, nie zrazumieła.

Milicyja składaje pratakoły.

Studenty razharnuli baniery: «Ja — častka BDU, a BRSM — maryjanietka», baniery skrucili.

13:57

Abstanoŭka krychu niervovaja. Udzielnikaŭ — niekalki dziasiatkaŭ čałaviek. Sprabavali zatrymać dziaŭčynu, ale jaje ŭdałosia adstajać.

Pavialičyć

13:59

Studenty razharnuli dyvan i skandujuć: «Rektarat — na kavior».

Pavialičyć

14:06

Na chłopca Hleba składajuć pratakoł za ŭdzieł u akcyi, jon admaŭlajecca padpisvać, kažučy, što ŭ akcyi nie ŭdzielničaŭ.

14:07

Da studentaŭ nichto nie vyjšaŭ.

14:10

Dva supracoŭniki milicyi — major i kapitan — chodziać kala studentaŭ z papierkami, prosiać nazvać proźvišča i imia, a taksama hod naradžeńnia. Niechta admaŭlajecca naadrez, a niechta nazyvaje.

14:17

Studenty pacichu razychodziacca. Nadziei na sustreču z rektaram akazalisia marnymi. 

Adna dziaŭčyna kaža: «Ja naohuł apalityčnaja, palitykaj nie cikaŭlusia, ale chacieła pahavaryć z rektaram».

14:22

Vialikaja kolkaść studentaŭ u samim budynku hałoŭnaha korpusa moŭčki naziraje za akcyjaj, što prachodzić unizie.

Studenty, što znachodziacca na vulicy, plaskajuć u dałoni.

14:28

Chłopcy, jakija trymali raściažki, siadajuć u zvyčajnuju maršrutku, ich sprabavała zatrymać milicyja, ale ničoha nie atrymałasia.

* * *

Supolnaść #studentysuprać zaklikała navučencaŭ spačatku pryjści na sustreču z rektaram, kab zadać pytańni, abo sabracca kala hałoŭnaha korpusa BDU, a zatym na akcyju.

* * *

Zhodna z prejskurantam, pierazdača zaliku ŭ BDU acenienaja ŭ 33—37 tysiač u zaležnaści ad navukovaj stupieni vykładčyka, jaki jaho prymaje. Paŭtorny pryjom ispytu — 47—53 tysiačy, dziaržispytu — 350 tysiač. Paŭtornaje vykanańnie i abarona kursavoj pracy tańniej za ŭsio na pieršym kursie — 516—584 tysiačy, daražej za ŭsio na piatym — 833—945 tysiač.

• 0
• 0
• 0
• 0
• 0
• 0
• 0
• 0