Ciahnik rehijanalnych linij ekanom-kłasa Brest-Łuniniec adpraviŭsia z pačatkovaha punkta na paŭtary hadziny paźniej hrafika z-za znojdzienych u vahonie padazronych torbaŭ. Pra heta paviedamiŭ načalnik adździaleńnia infarmacyi i hramadskich suviaziej UUS Bresckaha abłvykankama Siarhiej Dučenka.
Dziažurny pa stancyi Brest-Uschodni 2 śniežnia ŭ 9.18 paviedamiŭ supracoŭnikam milicyi, što ŭ vahonie dyziel-ciahnika znojdzienyja ničyjnyja rečy. Byli evakujaavanyja 120 pasažyraŭ. Padčas kompleksu mierapryjemstvaŭ hrupaj raźminiravańnia vybuchovuju pryładu nie znajšli. U torbach znachodzilisia asabistyja rečy, kansiervacyja i zapiska. Zatrymka ciahnika skłała 1 hadzinu 37 chvilin. Zatrymak u ruchu inšych čyhunačnych sastavaŭ nie było.
Pravaachoŭniki apieratyŭna vyśvietlili asobu čałavieka, jaki pakinuŭ u vahonie torby. Im akazaŭsia pinčuk 1976 hoda naradžeńnia. Jak vyśvietliłasia, na stancyi mužčyna zabieh u ciahnik i paprasiŭ dvuch pasažyrak nahledzieć za pakłažaj da Pinska, jakuju tam pavinny byli zabrać jaho znajomyja. Žančyny pahadzilisia. Adnak pravadnica, jakaja praviałara kvitki, prajaviła pilnaść i paviedamiła pra padazrony bahaž dziažurnamu pa stancyi.
