«Pole cudaŭ» pieraniasuć z rynku «Ždanovičy» ŭ viosku pad Minskam
Na hetym tydni ŭ Centralnym rajonie razhladałasia pytańnie ab uščylnieńni rynka «Ždanovičy». Pra heta siońnia raskazaŭ pieršy namieśnik kiraŭnika administracyi rajona Alaksandr Tutykin.
«U tych miežach, u jakich rynak isnuje ciapier, jon nie zastaniecca. Havorka idzie pra tak zvanaje «Pole cudaŭ» i rynak «Lebiadziny», jakija pieramieściacca ŭ Minski rajon u viosku Tabary. Handlovyja centry, jakija ciapier funkcyjanujuć u Ždanovičach, zachavajucca i buduć pašyracca. Tam płanujecca budaŭnictva novych paviljonaŭ. Da červienia nastupnaha hoda płanujecca ažyćciavić pierajezd častki rynku ŭ Tabary, a na vyzvalenym miescy razharniecca budaŭnictva handlova-ofisnych abjektaŭ», — rastłumačyŭ Tutykin.
Jon taksama raspavioŭ pra zabiaśpiečanaść handlovymi abjektami novaha žyłoha rajona Lebiadziny, jaki susiedničaje z adnajmiennym rynkam. Tak, na minułym tydni ŭ rajonie-novabudoŭli adkryłasia krama «Ałmi» z ułasnaj vytvorčaściu:
«U handlovym abjekcie pradstaŭlenyja charčovaja i niecharčovaja hrupy tavaraŭ, u cełym, heta hodnaja krama krokavaj dastupnaści. Akramia taho, u Lebiadzinym pracuje «Jeŭraopt». Na dadzieny momant zabiaśpiečanaje vykanańnie sacyjalnych standartaŭ pa abjektach handlu ŭ žyłym rajonie. Mahčyma, u dalejšym ich kolkaść pavialičycca za košt uščylnieńnia, a taksama źmieny funkcyjanalnaha abaračeńnia tych ci inšych ubudavanych pamiaškańniaŭ».
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary