Hruzinskim deputatam namieryŭsia stać były mer Kijeva Leanid Čarnaviecki. Stvoranaja im partyja «Ščaślivaja Hruzija» budzie ŭdzielničać u parłamienckich vybarach u nastupnym hodzie, paviedamlaje Dw.de.
Čarnaviecki, jaki z 2011 hoda pražyvaje ŭ Hruzii i stvaryŭ palityčnuju partyju «Ščaślivaja Hruzija», źbirajecca pryniać udzieł u parłamienckich vybarach u hetaj krainie ŭ 2016 hodzie. Jon skazaŭ, što partyja «Ščaślivaja Hruzija» budzie padtrymlivać jeŭrapiejskija kaštoŭnaści i ŭ vypadku ŭvachodžańnia ŭ parłamient — zmahacca za pavyšeńnie piensij u krainie.
«Mianie pytajuć, čamu ja stvaryŭ svaju partyju. Dy tamu, što ŭ viadučych partyj u Hruzii vielmi słabyja pazicyi. Detalova ja pahavaru ab hetym paźniej, ale zaraz skažu, što źbirajusia uvajści ŭ parłamient Hruzii», — zajaviŭ jon žurnalistam u svaim domie ŭ horadzie Kabuleci ŭ niadzielu, 6 śniežnia.
Były mer Kijeva zajaviŭ, što jon maje namier pravieści ŭsio svajo žyćcio ŭ Hruzii. «Ja nie vystupaju suprać ciapierašniaj ułady, ale parłamient budu krytykavać. Mnie nie padabajecca ich praca. Hruzija spynienaja. Jość peŭnyja pośpiechi, ale parłamient nie pracuje», — adznačyŭ Čarnaviecki.
***
Leanid Čarnaviecki zajmaŭ pasadu mera Kijeva z 2006 pa 2012 hh., zapomniŭsia šeraham inavacyj i vykazvańniaŭ, za što staŭ hierojem ukrainskaha falkłoru. Niekatoryja jahonyja pres-kanfierencyi nabirali pa sotni tysiač prahladaŭ.
Mianušku «Kosmas» atrymaŭ za vykazvańnie, što hatovy lacieć u kosmas razam sa svaim katom Jaškam. Kot, darečy, natchniŭ jaho na napisańnie adnoj z knihaŭ.
Paśla trahičnych padziej na Majdanie achviaravaŭ 10 młn hryŭniaŭ siemjam zahinułych: «Vyrazna ŭśviedamlaju toje, što nijakija hrošy nie mohuć kampiensavać im stratu rodnych, blizkich, lubimych, ale stajać u baku nie mahu!», — skazaŭ tady Čarnaviecki.
Ciapier čytajuć
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka9
Kamientary