Praz paru tydniaŭ majstra-ramontnika pasadzili ŭ SIZA, i jon nie kaža, kudy pastaviŭ aŭtamabil.
Žychar Baranavičaŭ Vital źviarnuŭsia ŭ redakcyju Intex-press z prośbaj dapamahčy ŭ pošuku źnikłaj mašyny. Jon raspavioŭ, što ŭ kancy kastryčnika addaŭ svoj «Mersedes» majstru ŭ ramont u haražnym masivie ŭ Paŭnočnym mikrarajonie.
— Ja pavinien byŭ zabrać aŭto ŭ pačatku listapada, suviaź z ramontnikam pastajanna padtrymlivaŭ. Jon patelefanavaŭ mnie 9 listapada i skazaŭ, što zajedzie pa mianie i my pajedziem pa mašynu, — raspavioŭ Vital. — Ale paśla abiedu jaho telefon užo byŭ niedastupny. Ja pačakaŭ paru dzion — ni słychu ni duchu.
Małady čałaviek napisaŭ zajavu ŭ HAUS i paviedamiŭ, što majstar nie addaje jamu aŭtamabil paśla ramontu. Akazałasia, što zajava na hetaha ramontnika nie pieršaja.
— Mnie skazali, što hety majstar źmieščany ŭ SIZA 9 listapada. Kaža, što pastaviŭ mašynu ŭ haraž adnaho na vuł. Fiestyvalnaj, ale dakładna nie pamiataje ni numara telefona, ni haraža, — raspavioŭ Vital.
U pres-słužbie Śledčaha kamiteta pa Bresckaj vobłaści paćvierdzili vypadak i raspaviali, što ramontnik sapraŭdy znachodzicca ŭ SIZA, ale pa inšaj kryminalnaj spravie.
Źnikły aŭtamabil — čorny «Mersedes S 320» 2002 h.v. z aŭtamatyčnaj karobkaj pieradač. Numar 6987 IT-1.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami66
Kamientary