Biełaruś pryznała parušeńni, jakija vyjaviła pravierka Raśsielhasnahladu, i paabiacała vypravić ich bližejšym časam. Takija zajavy, jak paviedamlaje sajt Raśsielhasnahladu, prahučali 8 śniežnia na techničnych kansultacyjach u Maskvie.
Paviedamlajecca, što rasijskaja inśpiekcyja vyjaviła niedastatkovy ŭzrovień dziaržaŭnaha kantrolu za vykarystańniem u žyviołahadoŭli zabaronienych vieterynarnych preparataŭ. Rasijanie nieadnarazova vyjaŭlali ich u małočnaj pradukcyi. Raśsielhasnahlad zajaŭlaje, što biełaruski bok nie zmoh dać vyniki dziaržaŭnaha manitorynhu za reštkami škodnych i zabaronienych rečyvaŭ u biełaruskaj pradukcyi za hety hod. Biełaruskija delehaty na sustrečy navat nie zmahli skazać, ci była vyjaŭlenaja takaja pradukcyja padčas manitorynhu. Adna častka delehacyi kazała, što vyjaŭlenaja, a druhaja — admaŭlała takuju najaŭnaść.
Taksama pradstaŭniki Biełarusi paviedamili, što ŭzmacnili kantrol za impartnaj pradukcyjaj. A ŭ vyniku hetaha, maŭlaŭ, źniziłasia ŭvaha da tavaraŭ, što vyrablajucca ŭ samoj krainie.
Biełaruski bok paabiacaŭ, što z 2016 hoda budzie ŭkaraniacca novy płan dziaržmanitorynhu impartavanaj i vyrablenaj u krainie pradukcyi i syraviny. Vyniki hetaj pracy buduć padadzienyja ŭ Raśsielhasnahlad nie paźniej za 15 studzienia 2016 hoda.
Ciapier čytajuć
Čamu ŭ biełaruskaj turmie tak mocna chudziejuć? Tłumačym3
Kamientary