
Ekipaž rasijskaha vartavoha karabla «Śmietlivyj» u Ehiejskim mory adkryŭ papieradžalny ahoń u napramku tureckaha siejniera (rybałoŭnaje sudna), jaki zbližaŭsia z karablom, nie adkazvajučy na jaho zapyty.
Jak paviedamiła ministerstva abarony RF, ahoń byŭ adkryty sa strałkovaj zbroi «pa chodzie ruchu tureckaha sudna na adlehłaści harantavanaha nieparažeńnia».
U zajavie ministerstva abarony Rasii havorycca, u 22 kiłamietrach ad hrečaskaj vyspy Lemnas, u paŭnočnaj častcy Ehiejskaha mora, da rasijskaha vartavoha karabla, jaki stajaŭ na jakary, staŭ nabližacca turecki siejnier. Tureckaje sudna nibyta nie adkazvała na vizualnyja sihnały i nie išło na radyjakantakt.

Ekipaž «Śmietlivaha» ŭžyŭ strałkovuju zbroju, kali tureckaje sudna padyšło da rasijskaha karabla na 600 mietraŭ, paśla čaho, pavodle zajavy rasijskaha boku, jano źmianiła kurs.
U suviazi z hetym incydentam ŭ ministerstva abarony Rasii byŭ vyklikany vajskovy ataše pry pasolstvie Turcyi.
Surjozny kanflikt
7 śniežnia Turcyja vykazała krajniaje abureńnie z nahody fotazdymkaŭ, na jakich vidać, što na borcie rasijskaha vajennaha karabla, što prachodziŭ pa Basfory, staić vajskoviec ź pieranosnym zienitnym rakietnym kompleksam u rukach, vonkava padobnym na PZRK «Ihołka».
Ministr zamiežnych spraŭ Turcyi Mieŭlut Čavušahłu nazvaŭ incydent pravakacyjaj.
Rasijska-tureckija adnosiny abvastrylisia, paśla taho jak 24 listapada turecki źniščalnik F-16 źbiŭ nad turecka-siryjskaj miažoj rasijski bambavik Su-24.
Ankara zajaviła, što rasijski samalot byŭ źbity paśla parušeńnia miežaŭ pavietranaj prastory Turcyi. Maskva śćviardžaje, što samalot vykonvaŭ bajavoje zadańnie ŭ pavietranaj prastory Siryi.
U adkaz na napad Rasija ŭviała suprać Turcyi šerah žorstkich ekanamičnych sankcyj i prypyniła z 1 studzienia dziejańnie biaźvizavaha režymu pamiž krainami.
Kamientary