Saudaŭskaja Aravija abviaściła ab stvareńni antyterarystyčnaj isłamskaj kaalicyi, u jakuju ŭvajšli 34 krainy, u tym liku Turcyja, Arabskija Emiraty, Bachrejn, Katar, Iardanija, Livan, Jehipiet, Tunis i Maroka.
Abjadnany kamandny apieratyŭny štab budzie bazavacca ŭ stalicy Saudaŭskaj Aravii Er-Ryjadzie. Akramia antyterarystyčnaj dziejnaści jon zojmiecca kaardynacyjaj dziejańniaŭ ź mižnarodnymi instytutami i inšymi dziaržavami.
Ministr abarony Saudaŭskaj Aravii Salman Al Saud paviedamiŭ, što kaalicyja budzie kaardynavać svaje dziejańni ŭ Iraku i Siryi ź inšymi krainami i mižnarodnymi instytutami. Taksama, pavodle jaho słoŭ, kaalicyja nie budzie fakusavacca tolki na baraćbie z ekstremisckaj hrupoŭkaj «Isłamskaja dziaržava», ale budzie akazvać supraćdziejańnie «luboj terarystyčnaj arhanizacyi», jakaja pradstaŭlaje pahrozu nasielnictvu hetych krainaŭ.
Jak udakładniŭ ministr, kaalicyja maje namier vieści baraćbu z terarystami ŭ Iraku, Siryi, Livii, Jehipcie i Afhanistanie.
