Biełaruskaje abjadnańnie studentaŭ u Polščy abvieściła pačatak konkursu maładych hurtoŭ u miežach XXVII festyvalu muzyki maładoj Biełarusi «Basovišča-2016». Zajaŭki prymajucca da 13 studzienia 2016.
«My vyrašyli abvieścić pryjom zajavaŭ raniej, čym zvyčajna, kab mieć bolš času na praviadzieńnie adboru i padrychtoŭku da samoha festyvalu», – zajaŭlajuć arhanizatary konkursu. Staršynia Biełaruskaha abjadnańnia studentaŭ u Polščy Hanna Piakarskaja kaža, što sioleta vyrašana akreślić uzrostavy cenz – siaredni ŭzrost udzielnikaŭ kalektyvu nia musić pieravyšać 30 hod. Da ŭsiaho hurt, jaki choča padać zajavu, nia moža mieć bolš za dva vydadzienyja albomy. Nu i zvykłaje abaviazkovaje patrabavańnie da kankursantaŭ – mieć pieravažna biełaruskamoŭny repertuar
Zajaŭki na ŭdzieł prymajucca na skryniu [email protected] da 13 studzienia 2016. Praviły padačy zajaŭki dy ŭdziełu ŭ konkursie źmieščany na aficyjnym sajcie «Basovišča». Farmular zajaŭki na ŭdzieł dastupny pa hetaj spasyłcy.
Sioleta konkurs projdzie ŭ try etapy: papiaredni on-łajn adbor, u vyniku jakoha buduć nazvanyja 10 finalistaŭ (da 1.02.2016), adboračny kancert, pa vynikach jakoha budzie adabrana 4 hurty, što pajeduć na festyval (19.02.2016) i niepasredna sam konkurs na «Basoviščy-2016» (22 i 23.07.2016). Pieramožcy atrymajuć hrašovuju ŭznaharodu, mahčymaść vystupić u druhi dzień festu, harantavanaje miesca ŭ prahramie «Basovišča-2017» dy ratacyju svaich piesień ŭ etery «Biełaruskaha Radyjo Racyja».
