Amierykanskija navukoŭcy znajšli biaskoncuju krynicu vadarodu
Tanny vadarod abiacaje revalucyju na transparcie.
Navukoŭcy Stenfardskaha ŭniviersiteta stvaryli «rasščaplalnik» vady, zdolny 24 hadziny ŭ sutki i siem dzion u tydzień vyrablać z vady vadarod i kisłarod.
Pa słovach navukoŭcaŭ, heta svajho rodu suśvietny rekord. Ale samaje važnaje — košt takoha vadarodu našmat nižejšy, čym va ŭsich isnujučych siońnia elektralizieraŭ.
Sprava ŭ tym, što ŭ ich prymianiajucca darahija katalizatary — jak praviła, płacina i irydyj, na jakich i praciakaje reakcyja elektrolizu. Akramia taho, elektrody znachodziacca ŭ elektralitach, padzielenych darahoj miembranaj, jakaja zabiaśpiečvaje ijonnuju elektryčnuju pravodnaść. Vysoki košt zastavaŭsia hałoŭnaj pieraškodaj dla vadarodnaj revalucyi na transparcie, jakuju voś užo hadoŭ dvaccać abiacajuć entuzijasty vadarodu.
Stvorany amierykanskimi navukoŭcami «rasščaplalnik» našmat tańniejšy: jon zrobleny z aksidu žaleza-nikiela. Elektralizier rasščaplaje vadu pry patencyjale ŭsiaho ŭ 1,5 volta, a jaho efiektyŭnaść pry pakajovaj tempieratury maje biesprecedentnaje značeńnie ŭ 82%.
Klučom da stvareńnia vysokaefiektyŭnaha i prostaha katalizatara stali ijony lityja. Jany našmat pavialičyli płošču, na jakoj prachodzić reakcyja rasščapleńnia vady, a taksama zrabili jaje bolš aktyŭnaj. Novaja technałohija moža stać biaskoncaj krynicaj ekałahična čystaha vadarodnaha paliva dla roznych vidaŭ transpartu i dla pramysłovych patreb.
-
Falsifikacyi ŭ daśledavańniach chvaroby Alchiejmiera. Jak vyniki pryviali nie tudy
-
Biełaruskija vučonyja pachvalilisia papiarovymi kubačkami, vyrablenymi pa novaj technałohii. Takija to rabili daŭno, ale našy dadali inšaje rečyva
-
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
Ciapier čytajuć
Słova «Unavatuna» značyć «raj». Dzie na Šry-Łancy adpačyvała Mielnikava13
Kamientary