Doraha i z hnilcoj: što robicca z bulbaj u kramach paśla pravierak
Bulba ŭ prodažy jość — heta fakt. Ale ci budziecie vy zadavolenyja jaje stanam — vialikaje pytańnie. Biełarusy praciahvajuć skardzicca na jakaść, piša Tochka.by.
Žurnalisty ŭžo vyvučali asartymient paŭtara miesiaca tamu. Za hety čas na prablemu źviarnuli ŭvahu čynoŭniki. U MARH praciahvajuć nastojvać, što zapasaŭ u stabfondach dastatkova i ŭsio — naležnaj jakaści.
U Minsielhaspradzie zajaŭlajuć, što hatovyja navat puścić u prodaž nasiennuju bulbu. A kantrolna-revizijnaje ŭpraŭleńnie prosić biełarusaŭ paviedamlać pra drennuju harodninu i vysokija ceny na «haračuju liniju».
U siaredzinie maja žurnalisty znoŭ prajšlisia pa kramach u pošukach bulby.
Kramy «kala doma»
U nievialikim «Jeŭraopcie» na Śviardłova, 22 źjaviłasia mytaja bulba (inšaj niama). Cana za kiłahram — 3,99 rubla. Niešta naźbirać možna, ale traplajucca kłubni drennaj jakaści — zmorščanyja, z paškodžańniami i zahanami.
Darečy, u sakaviku žurnalisty taksama praviarali hetuju kramu. Tady kiłahram bulby pradavaŭsia za 1,08 rubla (niamytaja, ale davoli bujnaja).
Pobač jašče adna maleńkaja krama — «Susiedzi» na vuł. Kirava, 4. Tut pradajecca niamytaja bulba za 1,43 rubla.
Jość bujnyja kłubni, ale pry bližejšym razhladzie — zmorščanyja i zialenavatyja. Tut za paŭtara miesiaca bulba taksama padaražeła na 35 kapiejek.
U kramie «Chit» na vuł. Łabanka, 4 jość tańniejšaja bulba, ale zusim drennaj jakaści (darečy, biez ceńnika). A voś mytaja, ale za 3,89 — nie samy horšy varyjant.
U «Jeŭraopcie» na vuł. Kuncaŭščyna, 19 zastałasia tolki mytaja bulba pa canie 3,99 rubla za kiło. Jość paškodžanyja kłubni i z «vočkami», ale niešta vybrać možna.
U kramie «Santa» na vuł. Kuncaŭščyna, 27 jość biudžetny varyjant bulby za 1,5 rubla — užo fasavanaja, tamu vybirać budzie składana: kłubni drennaj jakaści, jość hniłyja i paškodžanyja.
Varyjant daražejšy — pa 3,69 za kiło — vyhladaje lepiej, ale kali pryhledziecca, u sietcy traplajucca i nie samyja jakasnyja kłubni.
Bolšyja kramy
Žurnalisty zazirnuli ŭ «Susiedzi» ŭ HC Galileo. Tut na vybar jość dva vidy bulby. Samy tanny varyjant — za 1,43 rubla, ale naźbirać prystojny kiłahram budzie vielmi składana: kłubni z «vočkami», pamiatyja i paškodžanyja.
Druhi varyjant — mytaja bulba za 4,49 rubla. Kupić takuju na viačeru dla siamji — darahavata. Pa jakaści taksama jość pytańni — nie adpaviadaje takoj canie.
Supiermarkiet «Hipa» na vuł. Adzincova, 65 prapanuje dva vidy bulby. Sietka z bolš-mienš jakasnymi kłubniami pradajecca pa 2,74 rubla za kiłahram. A voś mytaja bulba za 3,99 rubla vyhladaje našmat horš: jość zialonyja i paškodžanyja kłubni.
Hipiermarkiety
Žurnalisty zazirnuli ŭ hipiermarkiety, dzie, zdajecca, zaŭždy jość usio: na luby hust i kašalok.
U «Karonie» na vuł. Kalvaryjskaja, 24 asartymient sapraŭdy šyroki. Ceny pačynajucca ad 1,43 rubla i dachodziać navat da 5,85. Fasavanaja ŭ sietkach — kab vybrać bolš-mienš dobry miašečak, pryjdziecca pastaracca. Jość i davoli kiepskaja bulba.
U hipiermarkiecie Green na vuł. Prytyckaha, 156 tolki darahaja mytaja harodnina. Možna šykanuć i kupić bulbu za 5,29 rubla — mytuju i fasavanuju ŭ sietki.
A možna «zekanomić» i ŭziać varyjant za 4,49 — taksama mytaja, ź niekatorymi zahanami, ale kiłahram-druhi sabrać možna.
U hipiermarkiecie «Jeŭraopt» na vuł. Kazimiraŭskaja, 6 pradajecca tolki adzin vid bulby — mytaja, za 3,99. Pa jakaści jość pytańni: paškodžanyja kłubni z vočkami, dzie-nidzie z hnilcoj.
Reziumujem: bulba ŭ kramach ciapier sapraŭdy jość. Ale suadnosiny «cana-jakaść» vyklikajuć pytańni ŭ spažyŭcoŭ: zvykłaj biełarusam «rubiel za kiło» ciapier nie znajści. A za bolš-mienš prystojnuju bulbu daviadziecca raskašelicca.
Što z bulbaj u słužbach dastaŭki praduktaŭ
Pahladzieli na asartymient bulby i ŭ bujnych handlovych sietkach, dzie možna nabyć pradukty anłajn. Što cikava, amal na ŭsich sajtach pradstaŭlena tolki mytaja.
Tak, u «Je-dastaŭcy» možna zamović kłubni pa canie 4,69 rubla za kiłahram (darečy, u sakaviku tut ceńnik na mytuju bulbu byŭ ad 2,99). A kali chočacie šykanuć, možna kupić sietačku impartnaj izrailskaj bulby. Cana adpaviednaja — 8,19 rubla.
Na sajcie «Hipa Markiet» asartymient šyrejšy.
Tut možna znajści i zvyčajnuju niamytuju bulbu pa 1,18 rubla za kiłahram (padaražeła na 8 kapiejek za paŭtara miesiaca). Jość mytaja bulba — pa 2,74 i 3,99 rubla.
U anłajn-kramie Green pradstaŭlena tolki mytaja bulba. Ceny pačynajucca ad 3,49 rubla (u sakaviku — ad 2,39) i dasiahajuć 4,49 rubla.
Jakaja bulba dobraja
Pavodle DAST, možna pradavać bulbu ź niekatorymi niedachopami, ale niaznačnymi. Dapuskajucca kłubni:
- ź plamami bledna-zialonaha koleru ahulnaj płoščaj nie bolš za 2 sm², jakija možna vydalić padčas čystki;
- ź miechaničnymi paškodžańniami (parezy, vyryvy, treščyny, uvahnutaści) hłybinioj nie bolš za 4 mm i daŭžynioj da 10 mm;
- paškodžanyja paršoj, asparozam na płoščy nie bolš za 1/4 pavierchni kłubnia;
- paškodžanyja dratavikom (pry najaŭnaści nie bolš za adnaho chodu).
Masavaja dola kłubniaŭ z paškodžańniami nie pavinna pieravyšać 2%. A ziamli, jakaja prylapiłasia da kłubniaŭ, pavinna być nie bolš za 1%.
Jakuju bulbu dakładna nielha vystaŭlać na prodaž?
-
Pazielaniełyja kłubni (kali bolš za 1/4 pavierchni); paškodžanyja hryzunami; padmierzłyja; zaparanyja; z prykmietami «udušša»; razdušanyja; pałavinki abo častki kłubniaŭ; paškodžanyja mokraj, suchoj, kalcavoj hnillu i fitaftoraj.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary