Polskaja Gazeta Wyborcza, karespandenta jakoj Vacłava Radzivinoviča rasiejskija ŭłady pazbavili akredytacyi, zakryvaje svoj maskoŭski karpunkt.
«My zakryvajem karpunkt u Maskvie. Spadziajomsia, što časova», — pryvodzić Interfaks słovy žurnalista.
U minułuju piatnicu Radzivinoviča vyklikali ŭ rasijski MZS, paśla čaho jon paviedamiŭ, što ŭ jaho adklikali akredytacyju i zahadali na praciahu 30 dzion pakinuć terytoryju Rasii.
Jak patłumačyła kiraŭnik departamienta infarmacyi i druku MZS Rasii Maryja Zacharava, vysyłka polskaha žurnalista z Rasii źjaŭlajecca simietryčnaj mieraj u adkaz na pazbaŭleńnie akredytacyi i dazvołu na žycharstva rasijskaha žurnalista Leanida Śvirydava, jaki pracavaŭ u Polščy.
Leanid Śvirydaŭ zmušany byŭ pakinuć Polšču ŭ minułuju subotu.
Jak raspavioŭ žurnalist, u pradjaŭlenych jamu dakumientach polskich śpiecsłužbaŭ havaryłasia, što jon «ujaŭlaje saboj sapraŭdnuju i surjoznuju pahrozu nacyjanalnaj biaśpiecy».