Invalidy-vazočniki na niekalki chvilin pierakryli praśpiekt Pieramožcaŭ u Minsku FOTAFAKT
Invalidy-vazočniki, a taksama studenty teatralnaj łabaratoryi «Forcinbras» pry Biełaruskim Svabodnym teatry, praviali adzin ź pierformansaŭ u miežach kampanii pa padtrymcy ludziej z abmiežavanymi mahčymaściami ŭ Minsku. U čaćvier 24 śniežnia jany na niekalki chvilin spynili ruch transpartu na praśpiekcie Pieramožcaŭ u Minsku.
Hetym pierformansam byŭ raspačaty cykł hramadskich akcyj i instalacyj, jaki buduć prachodzić u roznych kropkach Minska 24 i 25 śniežnia.
Praź niekalki chvilin, paśla pačatku pierformansa, źjaviŭsia narad DAI, jaki pierapisaŭ źviestki niekatorych udzielnikaŭ akcyi.
U metach padtrymki ludziej z abmiežavanymi mahčymaściami adna ź luksovych kramaŭ u handlovym centry «Zamak» pasadziła svaje maniekieny na invalidnyja vazki.
Mety svaich pierformansaŭ i akcyj udzielniki Biełaruskaha Svabodnaha teatra tłumačać tak:
«My, studenty «Forcinbrasa», vierym, što my ŭsie roznyja, ale ŭsie my majem prava na dastupnuju prastoru vakoł nas. My nie maniekieny. Čamu ludzi z dadatkovymi patrebami nie mohuć być aktyŭnymi ŭdzielnikami ŭ hramadskim i kulturnym žyćci horada? Chiba śviaty — nie dla ŭsich?
Na vulicach našaha horada redka sustrenieš čałavieka ŭ invalidnym vazku. Zamiežniki, jakija naviedvajuć stalicu, niaredka kažuć pra mašynu času — sapraŭdy, časam zdajecca, što my znachodzimsia ŭ paślavajennym Savieckim Sajuzie, kali ludziej, jakija stali invalidami ŭ vyniku Druhoj suśvietnaj vajny, vyvozili za miežy stalicy, stvarajučy sterylnuju prastoru z «pravilnymi» ludźmi.
Amal tatalnaja niedastupnaść, niebiaśpieka pieramiaščeńnia, hramadskija stereatypy, biaździejnaść uładaŭ — voś što sapraŭdy «abmiažoŭvaje mahčymaści». Ludzi z abmiežavanymi fizičnymi mahčymaściami — amal całkam izalavanaja častka hramadstva», — zajaŭlajuć arhanizatary hramadskich pierformansaŭ.
-
«Miakka kažučy, mianie tresła». Biełaruska atrymała rachunki na 40 tysiač jeŭra za čatyry dni ŭ šviejcarskaj balnicy
-
«Atrymlivajem abryŭki infarmacyi, u nas niama suviazi». Siastra Maryi Kaleśnikavaj raskazała apošnija naviny pra jaje
-
Vatykan zaprasiŭ Śviatłanu Cichanoŭskuju na pachavańnie Papy Franciška
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary