Pryvatny futbolny kłub «Krumkačy», što sioleta zavajavaŭ prava na hulniu ŭ Vyšejšaj lizie, znajšoŭ hrošy dla ŭdziełu ŭ joj [uznos — 850 młn rubloŭ].
Pra heta raspavioŭ suzasnavalnik kamandy Dzianis Šunto siońnia na pres-kanferencyi.
«Budziem na 100%, kali nie pieraškodziać zvyš siły. Nam tolki treba vyrašyć futbolnyja pytańni: dubl, moładzievuju kamandu».
Taksama «Krumkačy» anansavali svajho tytulnaha sponsara — brovar «Krynica». «Kali my daviedalisia, što «Krumkačy» šukajuć tytulnaha sponsara, my zrazumieli, što pavinny imi stać, — skazaŭ Alaksandr Kižyk, hienieralny dyrektar «Krynicy». — My blizkija ź imi pa duchu, u nas adna fiłasofija».
Pa słovach Kižyka, u kampanii dumajuć ab tym, kab vypuścić admysłovaje piva.
«U bližejšy čas papracujem nad unikalnaj recepturaj, jakaja budzie adlustroŭvać futbolny kłub».
Suma tytulnaha sponsarstva nie nazyvajecca. Pa słovach Viktara Radźko, jaki ŭvajšoŭ va ŭpraŭleńnie markietynhavymi kamunikacyjami kłuba, «Krumkačy» buduć supracoŭničać i ź inšymi partnierami.
«Hrošy my znajšli, ale ich nikoli nie budzie šmat. My pačynajem z samaha nula, naša zatratnaja častka budzie surjoznaj, i hrošy nam patrebnyja».
Siarod inšaha, «Krumkačy» zojmucca i kraŭdfandynham — zapuściać zbor hrošaj na płatformie «Ulej», piša Radyjo Svaboda.
