Kiraŭnictva antyterarystyčnaj apieracyi i kamandziry ŭkrainskich padraździaleńniaŭ trymajuć na asablivym kantroli niedapuščeńnie vypadkaŭ adkryćcia ahniu ukrainskimi bajcami biez surjoznych i apraŭdanych na toje padstaŭ.
Pra heta havorycca ŭ paviedamleńni štaba ATA, raźmieščanym na sajcie Minabarony.
Adznačajecca, što ŭ apošni čas u efirnych uklučeńniach niekatorych ukrainskich ŚMI źjavilisia zajavy ad asobnych ich udzielnikaŭ pra toje, što ŭkrainskim padraździaleńniam, jakija vykonvajuć zadačy ŭ zonie praviadzieńnia ATA, nie dazvolena ni pry jakich abstavinach užyvać zbroju.
«Pres-centr štaba ATA aficyjna paviedamlaje, što ŭ adpaviednaści z apošnimi vynikami Minskich damoŭlenaściej, u zonie praviadzieńnia apieracyi ŭstanoŭleny režym «poŭnaj cišyni», zachavańnie jakoha praduhledžvaje nieprymianieńnie zbroi abodvuma bakami kanfliktu», — havorycca ŭ paviedamleńni.
Pry hetym padkreślivajecca, što pazicyja kiraŭnictva ATA adnosna prymianieńnia zbroi padraździaleńniami VSU i inšych siłavych viedamstvaŭ, jakija byli zadziejničanyja ŭ apieracyi, była i jość niaźmiennaj: ukrainskija voiny majuć poŭnaje prava vykarystoŭvać zbroju, nie zabaronienuju Minskimi damoŭlenaściami, u vypadku niepasrednaj pahrozy žyćciu i zdaroŭju asabovaha składu i mirnych žycharoŭ, jakija žyvuć i pieramiaščajucca ŭzdoŭž linii raźmiežavańnia bakoŭ.
U toj ža čas, jak adznačajuć u štabie, prymianieńnie zbroi ŭkrainskimi abaroncami praduhledžvaje vyklučna prycelnyja i dakładnyja ŭdary, nakiravanyja na padaŭleńnie ahniavych kropak, źniščeńnie žyvoj siły i techniki praciŭnika, jaki ŭstupaje ŭ niepasredny ahniavy kantakt i ažyćciaŭlaje sproby źniščyć ukrainskija siły, a taksama prarvać abaronu sił ATA.
«Važna, što kiraŭnictva apieracyi i kamandziry ŭkrainskich padraździaleńniaŭ trymajuć na asablivym kantroli niedapuščeńnie vypadkaŭ adkryćcia ahniu našymi bajcami biez surjoznych i apraŭdanych na toje padstaŭ», — padkreślili ŭ štabie.
Kamientary