Na MKS ŭpieršyniu zaćviła sadovaja kvietka. Heta cynija FOTA
Na Mižnarodnaj kaśmičnaj stancyi (MKS) upieršyniu zaćviła sadovaja kvietka, pieriedajet sajt NASA. Člen ekipaža MKS astranaŭt NASA Skot Kieli u Twitter apublikavaŭ fota kvietki cynii.
«Debiut pieršaj ŭ historyi kvietki, vyhadavanaj u kosmasie», — napisaŭ astranaŭt.

Taksama jon pažartavaŭ pad druhim zdymkam z hetaj nahody: «Tak, isnujuć i inšyja formy žyćcia ŭ kosmasie!»

Nasieńnie cynii vysadziŭ ŭ minułym hodzie na MKS ŭ kantejniery Veggie astranaŭt Čeli Lindhren. Paśla jaho viartańnia na Ziamlu ŭ śniežni rolu sadoŭnika ŭziaŭ na siabie Keli.
Sam Kieli pryznavaŭsia, što adčuvaje siabie hałoŭnym hierojem fantastyčnaha filma «Marsijanin», toj vyroščvaŭ bulbu na Čyrvonaj płaniecie. U pryvatnaści, Kieli ŭdałosia vydalić z kvietak ćvil, a taksama vyrašyć prablemu zabiaśpiačvańnia raślin vadoj.

Dźvie raśliny ŭ chodzie ekśpierymientu vyratavać nie ŭdałosia, i jany byli viernutyja dla vyvučeńnia na Ziamlu. Astatnija dvie praciahvali raści, 12 studzienia na ich źjavilisia butony, a całkam adzin ź ich raśćvioŭ praz čatyry dni.


Kaśmičny aharod moža stać krynicaj ježy dla členaŭ ekipaža. Asabliva aktualna heta budzie, jak adznačajuć u NASA, kali kamandy astranaŭtaŭ adpraviacca ŭ praciahłyja misii, naprykład na Mars.
Taksama śpiecyjalisty źviarnuli ŭvahu na rełaksujučy efiekt dohladu za raślinami.
NASA zapuściła prahramu pa vyroščvańni raślin na borcie stancyi paśla taho, jak u 2013 hodzie amierykanski astranaŭt i inžynier-chimik Don Pietyt pa ŭłasnaj inicyjatyvie vyhadavaŭ na MKS cukini.
Ciapier čytajuć
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami

Kamientary