Amal adnačasova Hiermanija i Łatvija paviedamili pra vyniki raspracovak novych kamuflažnych malunkaŭ i materyjałaŭ, pišuć profilnyja ŚMI.
U kancy 2015 hodu łatvijskaja armija prezientavała novuju ŭniformu z malunkam MultiLATPAT, vyprabavańni jakoj pravodzilisia ŭ roznych klimatyčnych umovach — u Šviecyi, u Izraili, Afhanistanie, Mali i Małajzii.
Praca nad stvareńniem novaj formy išła z 2011 hoda. Košt kamplekta — 160 jeŭra. Łatvijskaja armija całkam pieraapraniecca ŭ novy mundzir da kanca hetaha hoda.
Na minułym tydni pra svaje novyja raspracoŭki paviedamili navukoŭcy i vajskoŭcy Hiermanii. Navukova-daśledčy instytut materyjałaŭ i majomaści Bundeśviera stvaryŭ novy kamuflažny malunak Multitarn, praca nad jakim praciahvałasia taksama nie adzin hod.
Malunak užo prajšoŭ šmatlikija vyprabavańni, ale pakul Ministerstva abarony Hiermanii nie pryniała aficyjnaha rašeńnia pra toje, kab pryniać novy kamuflaž dla ŭsioj armii.
U lubym vypadku, spačatku novuju formu atrymajuć častki śpiecyjalnaha pryznačeńnia, a potym usie astatnija vajskoŭcy.
Ciapier niamieckaja armija vykarystoŭvaje kamuflaž Flecktarn u dvuch varyjantach. Ale Multitarn, jak ličycca, budzie adzinym dla ŭsich klimatyčnych zon.
Taksama paviedamlajecca, što novaja forma lepš maskiruje ŭ infračyrvonym dyjapazonie, to bok robić karystalnika mienš bačnym na pryładach načnoha bačańnia.
Biełaruskaja armija pryniała novy kamuflaž u 2009 hodzie. Tady zajaŭlałasia, što jon źnižaje zaŭvažalnaść žaŭniera ŭ infračyrvonym dyjapazonie na 55%.
Rytu Dakotu abvinavacili, što jana terminova raspradała nieruchomaść u Rasii amal na $2 miljony. Jana adkazała8
Kamientary