Polskaja čyhunka kančatkova admaŭlajecca ad ciahnikoŭ u Hrodna ŭ 2016 hodzie
U sioletnim raskładzie ruchu polskaj čyhunki, jaki budzie dziejničać da siaredziny śniežnia, užo dakładna nie źjaviacca ciahniki Varšava — Hrodna. Novaje kiraŭnictva Ministerstva Infrastruktury i Budaŭnictva vyrašyła nie pierahladać rašeńnia svaich papiarednikaŭ pra admienu spałučeńnia.
U śniežni ministerstva paviedamlała, što budzie razhladać mahčymaści viarnuć pamiežny ruch na čyhuncy. Dla hetaha treba było znajści dadatkovyja hrošy. Adnym z arhumientaŭ było vialikaje značeńnie ciahnika na adrezku Hrodna-Kuźnica, u tym liku dla biełaruskich palakaŭ.
Adnak u siaredzinie studzienia stała viadoma, što ŭ 2016 hodzie polskaja elektryčka na hrodzienski vakzał tak i nie pryjedzie. «Rašeńnie ministra ŭ hetaj spravie nie źmianiłasia», - paćvierdziła profilnamu vydańniu «Rynek kolejowy» pres-sakratar ministerstva Elžbieta Kisił. Finansavać stratny ciahnik nie choča i maršałak Padlašskaha vajavodstva. Pry hetym niemetazhodnymi ličacca abodva prapanavanyja varyjanty: karotki z Hrodna da Kuźnicy i Biełastoka, i doŭhi z Hrodna da Varšavy.
Pradstaŭnička ministerstva tłumačyć, što raniejšyja ciahniki z Hrodna ŭ Ełk i Małkiniu byli stałaj krynicaj deficytu ŭ biudžecie čyhunki i nie karystalisia papularnaściu. Pavodle infarmacyi firmy Przewozy Regionalne, u 2014 hodzie z kožnaha ź ciahnikoŭ u Hrodna skarystałasia ŭ siarednim 70 pasažyraŭ.
Inšaja pryčyna admieny – vysokaja kankurencyja z boku aŭtobusnych pieravozčykaŭ. Dy i zapłanavanych na 2016 datacyj nie chapiła b na hod spraŭnaj pracy ciahnika.
Praŭda, polskaje ministerstva nie vyklučaje, što ŭ sioletnim raskładzie, mahčyma, jašče adbuducca niejkija źmieny datyčna mižnarodnych ciahnikoŭ. «Jany mahli b być źviazanyja ź niepradbačanymi pryčynami abo madernizacyjaj infrastruktury, što tryvaje», — zahadkava kaža Elžbieta Kisił.
Delehatka KR Karpušonak paśla maŭčańnia apublikavała videa31
Delehatka KR Karpušonak paśla maŭčańnia apublikavała videa
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1616
Kamientary