Biełaruski spadarožnik suviazi vyviedzieny ŭ arbitalnuju pazicyju
U adpaviednaści z prahramaj palotu, spadarožnik Belintersat-1 vyviedzieny ŭ arbitalnuju pazicyju 51.5 hradusa ŭschodniaj daŭhaty. Usie sistemy pracujuć u štatnym režymie. Pra heta paviedamlaje Dziaržaŭny vajenna-pramysłovy kamitet Biełarusi.
Belintersat-1 byŭ zapuščany 15 studzienia z kasmadroma Sičań (KNR) kitajskaj rakietaj-nośbitam.
Z momantu vyviadzieńnia spadarožnika na kalaziamnuju arbitu da kanca studzienia 2016 hoda jaho kiravańnie budzie ažyćciaŭlacca kitajskim bokam, a dalej — sumiesnaj kamandaj biełaruskich i kitajskich śpiecyjalistaŭ z naziemnaha kompleksu kiravańnia na terytoryi Biełarusi. Biełaruskija śpiecyjalisty ŭ lipieni 2015 hoda zaviaršyli 9-miesiačny kurs navučańnia i stažyroŭku ŭ KNR pa naziemnym kompleksie kiravańnia spadarožnikam.
Kančatkovuju pryjomku Nacyjanalnaj sistemy spadarožnikavaj suviazi i viaščańnia płanujecca zaviaršyć u krasaviku 2016 hoda pa vynikach płanavych arbitalnych vyprabavańniaŭ. Paśla ich zakančeńnia spadarožnik budzie ŭviedzieny ŭ kamiercyjnuju ekspłuatacyju i jaho kantrol piarojdzie da biełaruskaha boku.
Aparat vyrableny na bazie płatformy DFH-4, jaho ekspłuatacyja płanujecca na praciahu piatnaccaci hadoŭ z momantu zapusku. Pastaŭščykom asnoŭnych kampanientaŭ karysnaj nahruzki vystupili viadučyja jeŭrapiejskija vytvorcy ŭ hetaj halinie.
Jak adznačajuć u Dziaržkamvajenpramie, «Bielintersat» — heta dziaržaŭny ekspartna aryjentavany prajekt. Jaho meta — stvareńnie sistemy na bazie ŭłasnaha hieastacyjanarnaha spadarožnika i nastupnaje akazańnie šyrokaha śpiektra telekamunikacyjnych pasłuh dziaržaŭnym i karparatyŭnym klijentam za košt ich infarmacyjnaj prysutnaści na ŭsim uschodnim paŭšarji Ziamli, a taksama apierataram krain blizkaha i dalokaha zamiežža.
Na terytoryi Biełarusi dla kamiercyjnych i dziaržaŭnych struktur prajekt «Bielintersat» budzie akazvać šerah dobra zapatrabavanych pasłuh, takich jak dvuchbakovy spadarožnikavy internet; pierasoŭnaja spadarožnikavaja suviaź; rašeńni dla apierataraŭ sotavaj suviazi; arhanizacyja karparatyŭnych sietak pieradačy źviestak; ažyćciaŭleńnie pramych tranślacyj i TB-viaščańnia.
Admietnaj asablivaściu hetych pasłuh dla rynku Biełarusi źjaŭlajecca poŭny achop terytoryi krainy.
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary