Viarchoŭnaja pradstaŭnica ES pa pytańniach źniešniaj palityki i palityki biaśpieki Fiederyka Mahieryni zajaviła ŭ paniadziełak, 25 studzienia, što Turcyja chutka atrymaje ad ES try miljardy jeŭra dla pieraadoleńnia kryzisu biežancaŭ.
Razam ź jeŭrakamisaram pa pytańniach pašyreńnia i palityki dobrasusiedstva Jachanesam Chanam Mahieryni ŭ Ankary pravodzić sustrečy z pradstaŭnikami tureckaha ŭrada, pieradaje »Niamieckaja chvala».
Chan, sa svajho boku zajaviŭ, što ES ciapier uvažliva sočyć, ci ŭpłyvajuć miery, što prymajucca Turcyjaj, na pamianšeńnie patoku biežancaŭ, jakija nakiroŭvajucca ź jaje terytoryi ŭ Jeŭropu.
Jeŭrakamisar paviedamiŭ, što etničny skład biežancaŭ, jakija tranzitam ruchajucca praz Turcyju ŭ Jeŭropu, źmianiŭsia. Uciekačy ź Siryi, dzie praciahvajecca hramadzianskaja vajna, składajuć ciapier mienš za 40 pracentaŭ ad ahulnaha patoku. Jak viadoma, u 2015 hodzie siryjcy składali najbolšuju etničnuju hrupu, jakaja pierasiakała krainu.
Kamientary