23 studzienia adbyŭsia samy smačny i nasyčany vypusk Mova Nanova ŭ Taronta. Biełaruskija stravy.
Udzielniki mierapryjemstva daviedalisia pra hastranamičnyja tradycyi biełarusaŭ, asablivaści biełaruskaj kuchni, sposaby hatavańnia i apracoŭki praduktaŭ, nazvy straŭ dy napojaŭ, a taksama atrymali niekatoryja staradaŭnija recepty.
Videa-haściami ź Biełarusi stali Zoja i Aleś Pryšyvałki, arhanizatary kulturnickaj inicyjatyvy «ŽORNY», jakija pryvitali ŭdzielnikaŭ Mova Nanova ŭ Taronta i pakazali stvareńnie adnaho kulinarnaha desiertu «Mazurka razynkavaja krochkaja».
Naviedvalniki moŭnych kursaŭ mieli unikalnuju mahčymaść pakaštavać niekatoryja stravy, pryhatavanyja pa stražytnych receptach, bolšaść ź jakich uziaty z knihi Alesia Biełaha «Naša strava. Sapraŭdnaja biełaruskaja kuchnia». Haściej čakali takija stravy, jak Šupienia, Baćvińnie, Vieraščaka Kuchmajstarskaja z hreckimi blinami, Kałduny hrafa Tyškieviča, Kiška Panskaja, Zrazy pa-nasku ź jałavičyny, Hračaniki z hrybami, Kulabiaka, Žur, Kuhiel kabačkovy, Harbuzovaja kaša, Babka z morkvy, studzień, Babka z bulby, draniki, piečanyja jabłyki, Hrušy pa-radziviłaŭsku i inš., a taksama nieałkaholnyja ałkaholnyja napoi – Źbicień, mors z žuravinaŭ, haračaje piva ź miodam i Krambambula.
Hościem viečaryny staŭ Aleś Kot, jaki ździviŭ udzielnikaŭ svaim niezvyčajnym strojem-rekanstrukcyjaj, Kanclera Vialikaha Kniastva Litoŭskaha Lva Sapiehi i raspavioŭ, jak važna zachoŭvać nie tolki sialanskija kulinarnyja tradycyi, ale ŭznaŭlać šlachieckija, mahnackija dy kniaskija.
Taksama prysutnyja pabačyli pryhatavańnie bulbianoj kiški, kulinarnaha šedeŭra ad našaha ekśpierta Vitala Košaleva. Da pracesu pryhatavańnia dałučylisia navat samyja maleńkija hledačy, jakija paśla sami lapili miadovyja pierniki.
Pryhožym dapaŭnieńniem da zaniatkaŭ staŭ prahlad filma «Historyja biełaruskaj straŭni. Miasnyja stravy» Alaksieja Rakoviča.
Biełaruskija narodnyja tancy «Hračaniki», «Śvińni ŭ repu», «Bazar» razam ź niaźmiennym folk-hurtom «Javarovy ludzi» stali łahičnym zaviaršeńniem samaha smačnaha vypusku Mova Nanova ŭ Taronta.
Syć Boža!
Nastupny vypusk Mova Nanova ŭ Taronta 27 lutaha. Tema: «Maślenica».
