Taryf na elektraenierhiju ŭ miescach ahulnaha karystańnia žyłych damoŭ i siłavuju enierhiju, jakaja vydatkoŭvajecca na ruch liftaŭ, składzie 1 188 rubloŭ za 1 kVt.hadz. Pra heta paviedamiła namieśnik hienieralnaha dyrektara pa ekanomicy dziaržaŭnaha abjadnańnia «Minskaja haradskaja žyllovaja haspadarka» Julija Sahajdak.
Pavodle analizu spažytaj u miescach ahulnaha karystańnia elektraenierhii, u siarednim na 1 kv.m kvatery vychodzić 200 rubloŭ u miesiac. Ale na hetaj pasłuzie možna zekanomić, naprykład, zamianiŭšy zvyčajnyja lampački ŭ padjezdach na źbierahalnyja abo ŭstalavaŭšy datčyki, jakija reahujuć na ruch i buduć uklučać elektraenierhiju ŭ prysutnaści ludziej i vyklučać, kali na placoŭcy abo ŭ padjeździe nikoha nie budzie.
Vydatki na siłavuju enierhiju, jakaja tracicca na ruch lifta, u siarednim u miesiac składali 6 800 rubloŭ na kožnaha zarehistravanaha ŭ kvatery. Taryf na techabsłuhoŭvańnie lifta, pa jakim minčanie buduć płacić niezaležna ad terminu ekspłuatacyi i znosu padjomnika, składzie 617 rubloŭ na kvadratny mietr ahulnaj płoščy žyłoha pamiaškańnia.
Pa słovach Julii Sahajdak, novyja taryfy na pasłuhi pa sanitarnym utrymańni dapamožnych pamiaškańniaŭ u šmatpaviarchovych damach Minska stanuć viadomyja da kanca hetaha tydnia.
«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ10
Kamientary