Aŭtavytvorca Ford abviaściŭ pra adklikańnie amal 491 tysiačy pikapaŭ madeli Ranger praź niebiaśpiečny defiekt padušak biaśpieki, adzin ź jakich užo pryvioŭ da hibieli kiroŭcy.
Jak paviedamlajecca, adklikańnie zakranie mašyny, pradadzienyja ŭ ZŠA i Kanadzie ŭ pieryjad z 2004 pa 2006 hod.
U pikapach, jakija adpraŭlajucca na dapracoŭku, vykarystoŭvalisia paduški biaśpieki marki Takata. Jak vyśvietliłasia, pry raskryćci paduški niaspraŭnyja pirapatrony mohuć razryvacca na častki, vykidvajučy mietaličnyja askiepki. Paduški hetaj japonskaj firmy vykarystoŭvajucca ŭ aŭtamabilach mnohich vytvorcaŭ.
Niekalki dzion tamu vybuch paduški Takata upieršyniu pryvioŭ da śmierci: kiroŭca z Paŭdniovaj Karaliny urezaŭsia ŭ karovu i zahinuŭ, kali kavałak mietału ad pirapatrona trapiŭ jamu ŭ šyju.
Pra adklikańnie aŭtamabilaŭ z paduškami Takata raniej paviedamlali Honda, Toyota Motor, Nissan, Mazda, General Motors. U aŭtorak, praktyčna adnačasova z Ford, pra adklikańnie abviaściŭ niamiecki aŭtakancern BMW.
Jak paviedamiŭ u paniadziełak pradstaŭnik Nacyjanalnaj administracyi biaśpieki darožnaha ruchu ZŠA, u adpaviednaści z rašeńniem rehulatara ŭ krainie budzie adklikana jašče piać miljonaŭ aŭtamabilaŭ roznych vytvorcaŭ.
U dačynieńni da Takata ŭ ZŠA viadziecca rasśledavańnie, na kampaniju byli nakładzienyja štrafy.