Аўтавытворца Ford абвясціў пра адкліканне амаль 491 тысячы пікапаў мадэлі Ranger праз небяспечны дэфект падушак бяспекі, адзін з якіх ужо прывёў да гібелі кіроўцы.
Як паведамляецца, адкліканне закране машыны, прададзеныя ў ЗША і Канадзе ў перыяд з 2004 па 2006 год.
У пікапах, якія адпраўляюцца на дапрацоўку, выкарыстоўваліся падушкі бяспекі маркі Takata. Як высветлілася, пры раскрыцці падушкі няспраўныя пірапатроны могуць разрывацца на часткі, выкідваючы металічныя аскепкі. Падушкі гэтай японскай фірмы выкарыстоўваюцца ў аўтамабілях многіх вытворцаў.
Некалькі дзён таму выбух падушкі Takata упершыню прывёў да смерці: кіроўца з Паўднёвай Караліны урэзаўся ў карову і загінуў, калі кавалак металу ад пірапатрона трапіў яму ў шыю.
Пра адкліканне аўтамабіляў з падушкамі Takata раней паведамлялі Honda, Toyota Motor, Nissan, Mazda, General Motors. У аўторак, практычна адначасова з Ford, пра адклiканне абвясціў нямецкі аўтаканцэрн BMW.
Як паведаміў у панядзелак прадстаўнік Нацыянальнай адміністрацыі бяспекі дарожнага руху ЗША, у адпаведнасці з рашэннем рэгулятара ў краіне будзе адклікана яшчэ пяць мільёнаў аўтамабіляў розных вытворцаў.
У дачыненні да Takata ў ЗША вядзецца расследаванне, на кампанію былі накладзеныя штрафы.
Каментары