26 studzienia były namieśnik hienieralnaha prakurora Alaksandr Archipaŭ byŭ pryznačany dyrektaram sielskahaspadarčaha unitarnaha pradpryjemstva «Piatrovičy» — kałhasa ŭ Smalavickim rajonie, za paŭtara dziasiatka kiłamietraŭ ad Minska.
Alaksandr Archipaŭ letam 2014 byŭ prysudžany da šaści hadoŭ pazbaŭleńnia voli ŭ kałonii ŭzmocnienaha režymu z kanfiskacyjaj majomaści. Jon abvinavačvaŭsia pa dvuch artykułach Kryminalnaha kodeksa Biełarusi — za pieravyšeńnie słužbovych paŭnamoctvaŭ, a taksama atrymańnie chabaru.
Alaksandr Łukašenka zajaviŭ, što Archipaŭ, budučy ŭ pasady namieśnika hienprakurora, pasprabavaŭ zamiać spravu, źviazanuju z hibiellu čałavieka ŭ DTZ. Pa słovach Łukašenki, pjany syn biznesmiena kiravaŭ matacykłam i trapiŭ u avaryju, jaho pasažyrka zahinuła. «Jon dapamoh jaho admazać za załaty źlitak i butelku kańjaku», — skazaŭ Łukašenka i dadaŭ, što, akramia Archipava, «susiednija ź im kamiery zaniali šerah vysokapastaŭlenych čynoŭnikaŭ». Dobry znajomy Archipava eks-śpikier pałaty pradstaŭnikoŭ Uładzimir Kanaploŭ za «niedaniasieńnie ab złačynstvie» byŭ pakarany štrafam u 900 bazavych vieličyń.
Była vyzvalenaja ad pasady i žonka Archipava — na toj momant pieršaja namieśnica ministra architektury i budaŭnictva.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)