Reuters.com
Prezident Turcyi Redžep Taip Erdahan zajaviŭ, što choča sustrecca z prezidentam Rasii Uładzimiram Pucinym paśla incydentu z rasijskim vajskovym samalotam.
Pra heta ŭ subotu paviedamlaje ahienctva Reuters.
Raniej u subotu MZS Turcyi zajaviła, što vajskovy samalot RF parušyŭ u piatnicu tureckuju pavietranuju prastoru.
Incydent adbyŭsia napiaredadni, a ŭ subotu, 30 studzienia, rasijskaha pasła vyklikali ŭ ministerstva zamiežnych spraŭ Turcyi dla tłumačeńniaŭ.
Pa dadzienych Ankary, rasijski samalot Su-34 niekalki razoŭ papiaredzili na anhlijskaj i ruskaj movach, pierš čym toj zalacieŭ ŭ tureckuju pavietranuju prastoru. Akramia taho, źniešniepalityčnaje viedamstva Turcyi pieraścierahaje Maskvu, što mienavita Rasija budzie nieści adkaznaść za lubyja «niebiaśpiečnyja» nastupstvy.
Nahadajem, u listapadzie Turcyja źbiła rasijski bambardziroŭščyk Su-24, zadziejničany ŭ vajennaj apieracyi ŭ Siryi. U adkaz RF uviała sankcyi na tureckija pradukty charčavańnia i tavary.
