Kancler Hiermanii Anhieła Mierkiel zajaviła, što Jeŭrasajuz, uličvajučy toje, što situacyja na Danbasie dalokaja ad stabilnaj, pavinien padoŭžyć sankcyi ŭ dačynieńni da Rasii.
Reuters
Hetuju zajavu Mierkiel zrabiła pierad sustrečaj z prezidentam Ukrainy Piatrom Parašenkam.
Jon ža ŭ svaju čarhu skazaŭ, što sankcyi pavinny dziejničać da taho času, pakul Rasija nie vykanaje całkam Minskija damoŭlenaści.
Pry hetym damoŭlenaści praduhledžvajuć, što va Ukrainie pavinna być praviedzienaja kanstytucyjnaja reforma, jakaja dazvolić Danbasu atrymać asablivy status. Akramia taho, u dakumiencie havorycca ab spynieńni ahniu i advodzie ciažkich uzbrajeńniaŭ ad linii sudakranańnia.
Parašenka zajaviŭ, što nie bačyć inšaha šlachu dasiahnieńnia miru ŭ Danbasie, akramia jak prytrymlivacca Minskich pahadnieńniaŭ.
Mierkiel taksama zajaviła, što padčas pieramovaŭ abmiarkuje z Parašenkam pytańnie praciahu finansavaj dapamohi Ukrainie na 2016 hod.
