Vučniam adnoj ź minskich škoł prapanavali zrabić «valancinki kumiram»: Łukašenku, Kabiakovu, Jarmošynaj
Śpis «kumiraŭ» prapanavali baćkam kłasnyja kiraŭniki.
Siarod «kumiraŭ» nie tolki prezident i premjer. Pryznacca ŭ kachańni prapanujuć i kiraŭniku Administracyi prezidenta Alaksandru Kasincu, jaho namieśniku Iharu Buzoŭskamu, ministru pracy Ščotkinaj, ministru adukacyi Žuraŭkovu, ministru infarmacyi Ananič i inšym.
Skrynšot vykłaŭ u svaim fejsbuku minčuk Kastuś (kantakt jość u Redakcyi). Jaho dačka vučycca ŭ trecim kłasie adnoj sa škoł Zavodskaha rajona Minska.
Maci dziaŭčynki žartuje: «U majho dziciaci kumir — Kunh-Fu Panda. Kabiakova tam niama».
Pa słovach baćkoŭ, valancinki buduć nakiravanyja na rajonny konkurs.
Ale ŭ kamitecie pa adukacyi Minharvykankama pra takuju inicyjatyvu nie viedajuć.
«Ja navat troški razhubiłasia, kali pra heta pačuła», — pryznałasia Anna Rysiaviec, načalnik adździeła ideałahičnaj i vychavaŭčaj pracy.
Rysiaviec zapeŭniła, što z kamiteta pa adukacyi nijakich daručeńniaŭ ab valancinkach nie pastupała.
Tak ža adreahavali čynoŭniki ŭ adździele adukacyi rajvykankama. Jany ŭvohule nazvali hetuju akcyju «pravakacyjaj».
Sam Kastuś nie choča nazyvać numar škoły, «kab nie padstaŭlać nastaŭnikaŭ».
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary