Arhanizatary najbujniejšaha va Uschodniaj Jeŭropie šoŭkiejs-fiestyvala Tallinn Music Week abvieścili ŭdzielnikaŭ kancertnaj prahramy. Siarod ich čatyry maładyja pradstaŭniki sučasnaj biełaruskaj muzyki: Mustelide, Teleport, Pawa, Awlnight.
Muzyčnaja častka fiestyvalu budzie prachodzić ŭ stolicy Estonii z 31 sakavika pa 2 krasavika paralelna z prafiesijnaj kanfierencyjaj. Na 30 kłubnych i haradskich scenach vystupiać 214 artystaŭ z 31 krainy. Ź ich 106 reprezientujuć Estoniju, 18 – Finlandyju, 15 – Daniju, 12 – Rasiju, 9 – Vialikabrytaniju, 8 – Polšču, 7 – Łatviju, 5 – Litvu.
Biełaruś u miežach Tallinn Music Week 2016 atrymała pradstaŭnictva na ŭzroŭni Aŭstryi, Niamieččyny, Słavienii i Kanady. Vybar artystaŭ, jak i sam fest, vielmi eklektyčny: ajčynny indy-pop budzie reprezientavać Mustelide Mustelide, rok-muzyku – śpiavajučyja na biełaruskaj i anhlijskaj Teleport, fołk – ekśpieremientujučyja z elektronikaj Pawa, elektroniku – pracujučy na miažy z chip-chopam Awnnight.
– Z kožnym hodam u miežach Tallinn Music Week sučasnaja biełaruskaja muzyka adčyniajecca z novaha boku. Heta cikava i dla našaj publiki, i dla śpiecyjalistaŭ z roznych kutkoŭ śvietu, i dla nas samich. Miarkuju, što niechta z hetych artystaŭ całkam moža paŭtaryć pośpiech Super Besse i praz šoŭkiejsy pačać rehularna vystupać u Jeŭropie, – adznačaje prahramny dyrektar fiestyvalu Iva Kiviorh.
Aprača roznastylovych kancertaŭ hledačoŭ čakajuć admysłovyja šoŭkiejsy ad hałoŭnych finskich fiestyvalaŭ Flow i Tuska, brytanskaha łejbła FatCat Records, a taksama kłasičny rejv ad Brendan Jan Walsh (Bielhija) i mnostva inšych mierapryjemstvaŭ.
Całkam śpis ŭdzielnikaŭ možna pabačyć na aficyjnym sajcie tmw.ee. Adziny kvitok na ŭsie dni i kancerty fiestyvalu da 21 sakavika kaštuje 50 jeŭra tmw.ee/store/. Propusk na kancerty i prafiesijnuju kanfierencyju – 225 jeŭra.
Partnioram Tallinn Music Week u Biełarusi vystupaje sajt Experty.by, dziakujučy jakomu biełaruskija artysty za apošnija hady taksama ŭziali ŭdzieł u šoŭkiejs-fiestyvalach Vilnius Music Week (Litva), Lost In Music (Finlandyja), MENT Ljubljana (Słavienija), Moscow Music Week (Rasija).
Miž inšym da 28 lutaha adkryty prajom zajavak ad muzykaŭ na fiestyval Colisium Music Week, jaki adbudziecca 21-24 krasavika ŭ Sankt-Pieciarburhu. Padrabiazna – experty.by
