Praca pa pašyreńni kantentu i prysutnaści ŭ infarmacyjnaj prastory źjaŭlajecca asnoŭnaj zadačaj srodkaŭ masavaj infarmacyi, zajaviła siońnia žurnalistam ministr infarmacyi Biełarusi Lilija Ananič.
«ŚMI treba na paradak bolš efiektyŭna pracavać pa hałoŭnaj temie — kantentu. Heta raspaŭsiudžvajecca na multymiedyjnuju prastoru, kinaprastoru, telebačańnie. Naprykład, telebačańnie siońnia značna šyrejšaje, čym prosta tranślacyja pa televizary. Płanšet, spadarožnik, kampjutar — heta taksama srodki dla raspaŭsiudžvańnia telebačańnia. Ukaranieńnie telebačańnia vysokaj dakładnaści HD — taksama zadača na 2016-2020 hady. Tamu ŭmieńnie pracavać va ŭsich asiarodździach — taja zadača, jakaja budzie stavicca pierad ŚMI ŭ bližejšy čas», - skazała Lilija Ananič.
Havoračy ab drukavanych ŚMI, ministr adznačyła, što jany praktyčna samaakupnyja, heta bolš za 90 rehijanalnych ŚMI.
Ale važnaja i praca z čytačom, padkreśliła Lilija Ananič.
Drukavanym ŚMI taksama važna naroščvać internet-kantent, u tym liku ŭ sacyjalnych sietkach. Pavinny źjavicca multymiedyjnyja prykładańni dla padpisčykaŭ, nieabchodna efiektyŭna pracavać z ulikam novych sučasnych technałohij. Asobnym pytańniem źjaŭlajecca praca pa pašyreńni pracy słužby markietynhu.
Ministr dadała, što ŭ Biełarusi raspaŭsiudžvajecca bolš za 200 zamiežnych telekanałaŭ. «Važna, kab my pašyrali infarmacyjnaje pole, byli kankurentazdolnymi i lidziravali pa farmiravańni hramadskaj dumki», - skazała jana.
Pa słovach ministra, daśledavańni pakazvajuć, što telebačańnie źjaŭlajecca lidaram pa ŭpłyvu na hramadskuju dumku.
Bolš za 60% aŭdytoryi naležyć telebačańniu, 40% — u internetu, 20% — u haziet.
«ŚMI pavinny kansalidavać hramadstva, pakazvać usio, što adbyvajecca ŭ krainie. I dzie treba, arhumientavana davać adpor usim vydumkam, śpiekulacyjam, jakija źjaŭlajucca ŭ infarmacyjnym supraćstajańni, kali ssunulisia patoki, ssunulisia krainy», - reziumavała kiraŭnik viedamstva.