U struktury spažyvańnia biełaruski jakasny ałkahol vyciaśniajecca tannym kantrafaktam z krain-susiedziaŭ. Pra heta zajaviŭ pieršy namieśnik staršyni kancerna «Biełdziaržcharčpram» Ihar Šustaŭ padčas kruhłaha stała «Na svaim poli: jak biełaruskamu vytvorcu ŭłasny rynak nie vypuścić».
Pa słovach ekśpierta, u minułym hodzie spažyvańnie ałkaholu ŭ krainie rezka źniziłasia — da ŭzroŭniu 2005 hoda. Pik spažyvańnia ałkaholu byŭ u 2011 hodzie — 13 litraŭ na dušu nasielnictva, u 2015 hodzie ŭ papiarednich dadzienych jon skłaŭ 9 litraŭ. «Hetym ličbam možna było b radavacca, kab jany adlustroŭvali realny stan hramadstva. Maŭlaŭ, usio bolšaja kolkaść ludziej admaŭlajucca ad śpirtnoha i pierachodziać da zdarovaha ładu žyćcia — pić stali mienš. Na žal, pić u našaj krainie mienš nie stali. Tolki ŭ struktury spažyvańnia biełaruski jakasny ałkahol zamianiŭ tanny kantrafakt z krain-susiedziaŭ, a to i surahat, niebiaśpiečny dla zdaroŭja», — padkreśliŭ Ihar Šustaŭ.
U vyniku halina ŭ cełym pa krainie spracavała sa źnižeńniem ŭsich pakazčykaŭ. Prodažy mocnaha ałkaholu — harełki, likiora-harełačnych vyrabaŭ skaracilisia da ŭzroŭniu 2014 hoda na 13%, vin pładovych - na 40%. «Hetaja paciahnuła za saboj źnižeńnie ekanamičnaj efiektyŭnaści pradpryjemstvaŭ — jak dziaržaŭnaha, tak i pryvatnaha siektara. Źnizilisia pastupleńni ŭ biudžet krainy. Udzielnaja vaha akcyzaŭ, darečy, u biudžecie — ad 4% da 5%», - adznačyŭ pieršy namieśnik staršyni kancerna.
Za apošnija hady z ulikam rostu akcyzu i cen abjom kantrafaktnaj pradukcyi, jakaja ŭvozicca ŭ našu krainu, mocna vyras. U toj ža Rasii, pa dadzienych ekśpiertaŭ, kantrafaktny ałkahol dasiahaje 70% rynku.
Pa słovach ekśpierta, MUS padkreślivaje, što 90% kantrafaktu idzie da nas z Rasijskaj Fiederacyi.
Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim24
Kamientary