Krainy Jeŭrapiejskaha Sajuza vyrašyli skasavać vizavyja sankcyi suprać łukašenkaŭcaŭ.
Pra heta «Naša Niva» daviedałasia z krynic u Bruseli. Aficyjnaje abviaščeńnie źniaćcia sankcyj maje adbycca ŭ paniadziełak 15 lutaha.
Jak stała viadoma, zachavajecca tolki embarha na prodaž zbroi, a taksama vizavyja abmiežavańni suprać čatyroch asob, jakija padazrajucca ŭ datyčnaści da vykradańnia dziejačaŭ apazicyi.
Źniaćcie sankcyj źviazvajuć z žadańniem ES adździačyć łukašenkaŭcam za ich rolu u mirnym pracesie pa Ukrainie.
Sankcyi suprać łukašenkaŭcaŭ aficyjna nie dziejničajuć z kastryčnika 2015 hoda. Tady krainy Jeŭrasajuza pastanavili zamarozić sankcyi na 4 miesiacy i pryniać kančatkovuju pastanovu ŭ lutym 2016, paśla acenki prahresu ŭ śfiery zabieśpiačeńnia demakratyi i pravoŭ čałavieka.
Dla padaŭžeńnia sankcyj treba zhoda ŭsich krain ES. Kali suprać vystupaje chacia b adna kraina, sankcyj nie padaŭžajucca.
