Jeŭrapiejskaje ahienctva pa biaśpiecy palotaŭ (EASA) rekamiendavała kamiercyjnym avijakampanijam razhledzieć mahčymaść adnaŭleńnia palotaŭ nad Krymam. U EASA ličać, što paloty nad paŭvostravam mohuć być adnoŭlenyja, bo ryzyki, źviazanyja z anieksijaj Kryma Rasijaj, źnizilisia, i ruch nad im źjaŭlajecca biaśpiečnym, paviedamlajuć infarmahienctvy.
Raniej EASA rekamiendavała jeŭrapiejskim avijapieravoźnikam na niavyznačany termin admovicca ad palotaŭ nad paŭvostravam, niahledziačy na toje, što Kijeŭ abiacaŭ zabiaśpiečyć biaśpieku pavietranaha transpartu. Pryčynaj tamu była «jurydyčnaja niavyznačanaść u statusie Kryma».
U rajonie Kryma prachodzili čatyry avijacyjnyja maršruty. Ciapier ahienctva dapuściła vykarystańnie dvuch maršrutaŭ u miežach Simfieropalskaha rajona. Pry hetym kaardynavać i kantralavać paloty zamiežnych kampanij pavinny avijadyśpietčarskija słužby Ukrainy.
Dazvoł EASA u Jeŭropie ŭžo nazvali pieramohaj Ukrainy, bo avijadyśpietčarskija słužby RF u dakumiencie nie zhadvajucca. Heta dazvolić Ukrainie atrymlivać srodki za avijarejsy nad Krymam, niahledziačy na ciapierašni status paŭvostrava. Jakich-niebudź kamientaroŭ Rasavijacyi na hety kont pakul nie pastupała.
