Aŭstralijskaja śpiavačka Kajli Minoŭh, jak miarkujecca, zaručana z maładym brytanskim akcioram Džošua Sasam, paviedamlaje The Telegraph.
Para paznajomiłasia ŭ vieraśni 2015 hoda na zdymkach kamiedyjnaha sieryjała «Hałavant». Sass hraje ŭ telešou hałoŭnuju rolu, a Minoŭh stała zornaj hościaj druhoha siezona. U listapadzie pop-vykanaŭca paćvierdziła, što sapraŭdy sustrakajecca z artystam. Sas maładziejšy za Minoŭh na 19 hadoŭ.
Pieršyja čutki ab zaručynach źjavilisia ŭ studzieni 2016 hoda, kali na ruce Minoŭh byŭ zaŭvažany piarścionak z dyjamientam. Z hetym ža piarścionkam śpiavačka źjaviłasia na cyrymonii ŭručeńnia premii NME Awards ŭ sieradu, 17 lutaha.
Pa čutkach, na aŭtapaci ŭ Łondanie Sas paćvierdziŭ zaručyny ź Minoŭh. Śćviardžajecca, što akcior z honaram kazaŭ pra svaju niaviestu i žartavaŭ, što ciapier u jaho nie budzie nijakich prablem z traplańniem na viečarynki.
