Abvieščany pryjom prac na litaraturny konkurs «Ekślibrys» imia Antona Łuckieviča
1 sakavika 2016 hoda HA «Sajuz biełaruskich piśmieńnikaŭ» abviaściŭ pra pačatak pryjomu prac na konkurs «Ekślibrys», jaki sioleta maje imia Antona Łuckieviča i pryśviečany krytycy i litaraturaznaŭstvu.
Tema konkursu — «Sučasnaja biełaruskaja litaratura XXI stahodździa: imiony, tendencyi, pierśpiektyvy (ad 2000 — pa siońnia)»
Da ŭdziełu zaprašajucca daśledčyki litaratury, krytyki i litaraturnyja žurnalisty, jakija pišuć na biełaruskaj movie, va ŭzroście da 35 hadoŭ.
Konkurs pravodzicca ŭ dźviuch naminacyjach:
— Litaraturnaja krytyka (artykuły, recenzii, vodhuki, ese, narysy);
— Litaraturaznaŭstva (navukovyja artykuły, ahlady).
Žury konkursu:
Ała Bradzichina, Leanid Hałubovič, Ludmiła Rubleŭskaja, Cichan Čarniakievič, Iryna Šaŭlakova.
Teksty na konkurs možna dasyłać fajłami ŭ farmacie.doc da 1 vieraśnia 2016 hoda na adras [email protected], paznačyŭšy temaj lista «Ekślibrys». U liście musić być nastupnaja infarmacyja: imia, proźvišča, data naradžeńnia ŭdzielnika, kantaktny numar telefona i e-mail.
Za chodam konkursu sačycie na sajcie lit-bel.org.
Kamientary