18:10 Sudovaje śledstva pa spravie skončana. Abvieščany pierapynak da paniadziełka. Praciahniecca praces a 11-j.
18:10 Sudovaje śledstva pa spravie skončana. Abvieščany pierapynak da paniadziełka. Praciahniecca praces a 11-j.
17:39 Usie abvinavačanyja pa spravie zajavili chadajnictva ab pryciahnieńni da kryminalnaj spravy namieśnika načalnika UDAI HUUS Mienharvykankamu Maksima Padbiarozkina, jaki zaśviedčyŭ na pracesie, što ŭdzielniki mitynhu pradprymalnikaŭ byli pjanyja i nie prapuskali mašyny "chutkaj dapamohi". Videamateryjały, u pryvatnaści, zaśviedčyli, što demanstranty prapuskali mašyny "chutkaj dapamohi". Sudździa abviaściła, što budzie raicca.
Andrej Kim zajaviŭ, što videa ź jahonym udziełam -- abjekt mantažu i manipulacyj. Andrej skazaŭ, što sam zdymaŭ videaroliki, tamu viedaje hetuju kuchniu. Taksama jon źviarnuŭ uvahu na toje, što na videa nia bačna śviedkaŭ pa jahonaj spravie Siryča i Bliščova, choć videa maje cełyja try rakursy.
Advakat Maryjana Simieška zaznačyła, što padčas śledstva dźvie videakasety i DVD ź videamateryjałami byli ŭpakavanyja ŭ skryniu i apiačatanyja. U zalu sudu jany byli pryniesienyja ŭ zvyčajnym fajle dla papier. Maryjana Simaška pastaviła pad sumnieŭ sapraŭdnaść hetych materyjałaŭ.
16:46 Vyrašyli ŭsio ž dapytać Ihara Lednika.
16:44 Dapytvajuć niepaŭnahadovuju Darju Hudkovu, jakaja 21 studzienia była na akcyi i ŭ pastarunku z Andrejem Kimam.
16:42 Pa chadajnictvie abarony videa bolš nie budzie prahladacca.Sudździa adchiliła ab dopycie ŭ jakaści śviedkaŭ Anatola Labiedźki i Ihara Lednika.
14:59 Paciarpieły Syčoŭ niekudy źnik z zali, biez dazvołu sudździ
14:19 Zaviazałasia patasoŭka ŭ zali sudu, jakaja ledź nie pierarasła ŭ bojku. Hetak zvanyja BRSMaŭcy, kali ludzi paśla pierapynku stali zachodzić u zalu, pačali pichać u śpiny abvinavačanych pa spravie i ich siabroŭ. Šturchnuli ŭ plečy Tacianu Ciškievič.
Ludzi skandujuć "Hańba" i patrabujuć vydalić hetak zvanych BRSMaŭcaŭ z zali sudu.
13:00 U pracesie abjaŭleny pierapynak da 14-j hadziny.
12:35 Za šmatlikija papiaredžańni sudździa vydaliła z zali abvinavačanuju Tacianu Ciškievič. Dalej praces prachodzić bieź jaje. Prahladajucca videamateryjały.
11:30 Na kadrach bačna, jak demanstranty prapuskajuć mašynu chutkaj dapomhi. Vidać taksama, jak razvaročvajecca transpart i praciahvaje ruch u inšym kirunku.
11:20 Udzielniki pracesu prahladajuć videa z akcyi 10 studzienia.
10:55 Ni na adnym z troch rolikaŭ nie pakazany ŭdar Kima pa tvary paciarpiełaha Syčova. Pry hetym kamiera zafiksavała, jak Kima adzin z daišnikaŭ ciahnie za vałasy.
10:40 Pačałosia aznajamleńnie ź videamateryjałami spravy.
Paciarpieły Syčoŭ u pačatku pasiedžańnia zajaŭlaŭ chadajnictva pra toje, kab dalej sprava razhladałasia bieź jahonaha ŭdziełu z toj pryčyny, što praces naŭmysna zaciahvajecca, a ŭ jaho šmat spraŭ na pracy. Sudździa chadajnictva adchiliła.
10:25 Bereesemaŭcaŭ zapuścili ŭ zalu. Chadajnictva ab ich vydaleńni z pasiedžańnia sudździa adchililia.
9:55 Cikavyja rečy adbyvajucca la Centralnaha sudu stalicy. Da budynku padvodziać arhanizavanyja hrupy beeresemaŭcaŭ, ich užo kala 15-20 čałaviek. Niekatoryja prysutnyja paznajuć u maładzionach studentaŭ BNTU i vykazvajuć aściarohu, što «družnych rabiat» vykarystajuć dla zapaŭnieńnia sudovaj zali abyjakavaj aŭdytoryjaj.
Ciapier čytajuć
Achova i dziasiatki ludziej u kamandzie: za što žyvie Ofis Cichanoŭskaj u Vilni?8
Kamientary