Litaralna miesiac na stancyi mietro «Płoščy Lenina» pracuje interaktyŭny terminał dla zvarotnaj suviazi z pasažyrami. Acanić jakaść pasłuh možna, adkazaŭšy na 7 pytańniaŭ, źviazanych z ahučvańniem stancyj, aryjentacyjaj na płatformach, čyścinioj u mietro, pracaj kasiraŭ i h.d.
Tak vyhladaje terminał.
Padčas prachodžańnia testu na ekranie adznačajecca, što vodhuk ananimny, ale nad terminałam staić kamiera, nakiravańnie zdymki jakoj nie vielmi zrazumiełaje.
Ź miesca terminała ŭvohule padajecca, što kamiera zdymaje vas…
…ale ŭnizie padkreślivajecca ananimnaść vodhuku.
Chutčej za ŭsio, kamiera zdymaje pasažyraŭ, jakich praviarajuć u mietro, ale mienavita sami nieabyjakavyja hramadzianie źviarnuli ŭvahu žurnalistaŭ na toje, što ich mohuć zdymać. U lubym vypadku, heta stvaraje peŭny dyskamfort i moža dać niepraŭdzivyja vyniki paśla padličeńnia adkazaŭ.
