Alaksandr Łukašenka 3 sakavika padpisaŭ ukaz № 84 «Ab pytańniach emisii i abaračeńnia akcyj z vykarystańniem zamiežnych depazitarnych raśpisak» i ŭkaz № 85 «Ab padatkaabkładańni asobnych dachodaŭ».
Dakumienty padpisany ŭ adpaviednaści z rašeńniami, pryniatymi 29 lutaha 2016 hoda na dakładzie ŭ kiraŭnika dziaržavy ab prajektach ukazaŭ pa raźvićci finansavaha rynku Biełarusi.
Jak paviedamlaje pres-słužba prezidenta, ukazam № 84 pradastaŭlajecca prava adkrytym akcyjaniernym tavarystvam na padstavie dahavora pieradavać svaje akcyi zamiežnym arhanizacyjam, jakija ŭ svaju čarhu na hetyja akcyi vypuskajuć zamiežnyja depazitarnyja raśpiski i raźmiaščajuć (pradajuć) ich na mižnarodnym rynku zamiest akcyj.
«Realizacyja ŭkaza budzie sadziejničać praviadzieńniu kanstruktyŭnych pieramovaŭ i pačatku kankretnaj pracy pa vykarystańni ŭ biahučych umovach novych niestandartnych instrumientaŭ pryciahnieńnia ŭ krainu zamiežnaha kapitału ź mižnarodnych finansavych rynkaŭ», — havorycca ŭ paviedamleńni.
Ukazam № 85 praduhledžvajecca pradoŭžyć režym prymianieńnia padatkovych ilhot u dačynienni da dachodaŭ ad apieracyj z ablihacyjami jurydyčnych asob da 31 śniežnia 2017 hoda. Dakumient nakiravany na stvareńnie spryjalnych umoŭ dla vykarystańnia arhanizacyjami Biełarusi dadatkovych sposabaŭ pryciahnieńnia finansavych resursaŭ u realny siektar ekanomiki i bankaŭskuju śfieru.
29 lutaha padčas dakłada ab prajektach ukazaŭ pa raźvićci finansavaha rynku krainy Łukašenka siarod inšaha było paviedamlena ab prajekcie ŭkaza ab vypusku i abaračeńni akcyj z vykarystańniem zamiežnych depazitarnych raśpisak. Prajektam dakumienta ahavorvałasia prava pradpryjemstvaŭ vypuskać praz zamiežnyja depazitarnyja raśpiski da 25% akcyj.
Depazitarnaj raśpiska — heta druhasnaja kaštoŭnaja papiera, jakaja svabodna abaračajecca na fondavym rynku, vypuščanaja ŭ formie siertyfikata aŭtarytetnym depazitarnym bankam suśvietnaha značeńnia na akcyi zamiežnaha emitenta, jakaja śviedčyć ab vałodańni vyznačanaj kolkaściu akcyj zamiežnaj kampanii, depanavanych u krainie znachodžańnia hetaj kampanii, kruhaabarot jakich ažyćciaŭlajecca ŭ inšaj.
