Bierlin nie zadavoleny narmandskimi pieramovami

Kiraŭnik MZS Hiermanii Frank-Valter Štajnmajer vykazaŭ niezadavalnieńnie vynikami narmandskaj sustrečy ŭ Paryžy i zaklikaŭ Kijeŭ i Maskvu iści na kampramisy.

Pra heta havorycca ŭ zajavie Štajnmajera, tekst jakoj majecca ŭ rasparadžeńni «Jeŭrapiejskaj praŭdy».

«Siońnia viečaram u Paryžy ŭ nas u čarhovy raz byli sapraŭdy ciažkija, navat sprečnyja dyskusii. I, ščyra kažučy, my nie možam być zadavolenyja. Ni situacyjaj na miescach, ni siońniašnimi vynikami. Paśla doŭhich hadzin siońnia ŭ Paryžy, užo paśla adzinaccataj narmandskaj sustrečy kiraŭnikoŭ MZS, mahu skazać: ničoha nie byvaje prosta. Luby prahres u Minskim pracesie dastatkova składany. Za kožnuju detal franka-niamieckich prapanoŭ idzie baraćba, upartaja baraćba pamiž Rasijaj i Ukrainaj», — havorycca ŭ zajavie.

Štajnmajer adznačyŭ, što časam u jaho stvarajecca ŭražańnie, što ŭ Maskvie i Kijevie pakidajuć biez uvahi, nakolki surjoznaja situacyja, pad jakim vialikim ciskam znachodziacca ŭsie baki pieramoŭnaha pracesu.

«Minsk nieabchodna chutčej realizavać, tamu što ŭ advarotnym vypadku my ryzykujem stracić lehitymnaść i aŭtarytet našych namahańniaŭ. U vyniku Kijeŭ i Maskva pavinny vyrašyć, čaho jany chočuć — kab kanflikt praciahvaŭ tleć z rehularnaj eskałacyjaj, abo, narešcie, pryniać śmiełyja rašeńni i iści na kampramisy, jakija nieabchodnyja, kab pryvieści da pośpiechu Minska. Nievialikich krokaŭ užo niedastatkova, kab supakoić situacyju, kab pieraadoleć kanflikt», — skazaŭ jon.

Niamiecki ministr padkreśliŭ, što za apošni čas udałosia damahčysia prahresu ŭ halinie biaśpieki, «ale my pavinny ščyra zajavić, što va ŭsich astatnich, i asabliva ŭ palityčnych pytańniach, pa kančatkovym rachunku na samaj spravie ruchu napierad niama».

«Što tyčycca damoŭlenaściaŭ ab vybarach, my surjozna zajmajemsia mahčymymi kampramisami adnosna zakona ab miascovych vybarach. Zrazumieła adno: hetyja vybary nie mohuć być adkładzienyja i nielha čakać, «pakul rak śviśnie». Jany źjaŭlajucca asnoŭnaj pieradumovaj dla zabieśpiačeńnia prahresu ŭ palityčnym pracesie», — zajaviŭ ministr.

Jon dadaŭ, što 32 niaŭdałych pasiadžeńni rabočaj hrupy krasamoŭna kažuć pra ciažkaści ŭ dasiahnieńni nieabchodnych kampramisaŭ.

«Praŭda zaklučajecca ŭ tym, što pazicyi bakoŭ pa-raniejšamu dalokija adna ad adnoj. U bližejšyja niekalki tydniaŭ my čakajem intensiŭnych pieramoŭ, jakija buduć spryjać dasiahnieńniu pahadnieńnia. Narešcie, my havaryli pra biaśpieku vybaraŭ. Heta asnoŭnaje patrabavańnie — bieź biaśpieki nie moža być vybaraŭ. My paprasili ABSIE da kanca sakavika prezientavać kancepcyju razhortvańnia mižnarodnaj misii, kab zabiaśpiečyć patrabavanyja miery biaśpieki. Heta ŭsio prahres, ale z abmiežavanym rucham. Nie bolš i nie mienš! Bolšaha siońnia damahčysia nie ŭdałosia! Na žal!» — skazaŭ na zakančeńnie Štajnmajer.

• 0
• 0
• 0
• 0
• 0
• 0
• 0
• 0