Pajezdka Milinkieviča ŭ Pinsk prajšła pa scenary, pa jakim choć ciapier zdymaj kamedyju absurdu. Śpiarša na miescy zaplanavanaj sustrečy zładzili milicejski parad, potym u palityka špurnuli jajkam, a milicyja zamiest kab zatrymać chulihana, paviezła ŭ pastarunak pravaabaroncu, zatym Milinkieviču vydali eskort da miažy Pinskaha rajonu, ale niejki zuch prakałoŭ palityku try koły ŭ mašynie.
Da pryjezdu Alaksandra Milinkieviča ŭ Pinsk milicyjanty i specnazaŭcy ź Bieraścia arhanizavali parad la pomniku Leninu, dzie miełasia adbycca sustreča z palitykam. Pierad samoj sustrečaj parad skončyŭsia i Alaksandr Milinkievič zmoh parazmaŭlać ź ludźmi.
Kala sta čałaviek prysutničała na sustrečy ŭ Pinsku.
«Pytańni byli takija, jak i ŭ mnohich inšych rehijonach: pra lhoty, achovu zdaroŭja, pra niezadavolenaść miascovaj ŭładaj, karupcyju i mnohija inšyja,» — raskazaŭ Alaksandr Milinkievič.
Naprykancy sustrečy nieviadomy małady čałaviek kinuŭ jajka ŭ Alaksandra Milinkieviča. AMAPaŭcy i milicyjanty, jakich było mnoha vakoł, kinulisia jaho dahaniać, adnak nie dahnali. Zamiest jaho zatrymali pravaabaroncu, prychilnika Ruchu «Za Svabodu» Andreja Suško. Jaho advieźli ŭ Pinski RAUS dla vyśviatleńnia abstavinaŭ. Tudy ž paśla sustrečy nakiravaŭsia lider Ruchu «Za Svabodu».
Paśla praviedzienaj tłumačalnaj razmovy ich adpuścili j vydzielili eskort u vyhladzie milicyjanta, jaki budzie supravadžać Alaksandra Milinkieviča da taho času, pakul jon nia vyjedzie za miežy Pinskaha rajonu. Adnak achova była vydadziena zapozna, tamu što pakul aktyvisty Ruchu čakali Alaksandra Milinkieviča kala RAUS, nieznajomy čałaviek prabiŭ u jaho mašynie try koły.
U Maskvie mužčyny masava sprabujuć znajomicca, macajučy dziaŭčat za jahadzicy. Tak zahadaŭ rabić seks-koŭč ź Biełarusi8
Kamientary