U Minsku kala pasolstva Rasii patrabavali vyzvaleńnia Nadziei Saŭčanki

7 sakavika aktyvisty sabralisia kala pasolstva Rasii ŭ Minsku na akcyju salidarnaści z ukrainskaj lotčycaj Nadziejaj Saŭčankaj, nad jakoj adbyvajecca sud u rasijskim horadzie Daniecku Rastoŭskaj vobłaści. Prakuratura patrabuje dla jaje 23 hady źniavoleńnia. Nadzieja Saŭčanka ad 3 sakavika trymaje suchuju haładoŭku.
Udzielniki akcyi trymali płakaty «Putlera ŭ Niurnbierh», «Rasija — heta vajna», «Hierojam słava». Aktyvistka Nina Bahinskaja pryjšła da ambasady ź bieł-čyrvona-biełym ściaham.
«My zaŭsiody padtrymlivali Ukrainu. Situacyja vakoł Saŭčanki pavinna ŭsich chvalavać. Pucin pavodzić siabie, parušajučy ŭsie zakony. Saŭčanka — hierainia Ukrainy. Naš prychod siudy — heta padtrymka Nadziei Saŭčanki i Ukrainy», — miarkuje Viačasłaŭ Siŭčyk.
Maksim Viniarski zaklikaŭ usich nieabyjakavych pryjści 9 sakavika da ścienaŭ pasolstva Rasii, kali budzie abvieščany prysud Saŭčancy.
Kamientary