president.gov.ua
Prezident Ukrainy Piatro Parašenka zajaviŭ pra hatoŭnaść pravieści abmien ŭkrainskaj lotčycy Nadziei Saŭčanki, jakuju ŭ Rasii sudziać za dapamahańnie ŭ zabojstvie.
«Ja jak prezident hatovy skarystacca svaim kanstytucyjnym pravam i abmianiać pry nieabchodnaści Saŭčanku i viarnuć jaje dadomu», - zajaviŭ Parašenka.
Prezident Ukrainy adznačyŭ, što «za hetyja amal dva hady ni razu z krynic, jakija zasłuhoŭvajuć davieru, nivodnaj prapanovy ab abmienie Saŭčanki nie pastupała».
Raniej aficyjny pradstaŭnik rasijskaha MZS Maryja Zacharava paviedamiła, što pieramovy z nahody abmienu Saŭčanki nie viaducca, bo jašče niama rašeńnia suda nad joju.
Ź lipienia 2014 hoda Saŭčanka znachodzicca ŭ rasijskim SIZA. Sud maje namier abviaścić prysud ŭkrainskaj lotčycy 21—22 sakavika. Abvinavačvańnie prosić dla lotčycy 23 hady pazbaŭleńnia voli.
Jana trymaje suchuju haładoŭku.