president.gov.ua
Прэзідэнт Украіны Пятро Парашэнка заявіў пра гатоўнасць правесці абмен ўкраінскай лётчыцы Надзеі Саўчанкі, якую ў Расіі судзяць за дапамаганне ў забойстве.
«Я як прэзідэнт гатовы скарыстацца сваім канстытуцыйным правам і абмяняць пры неабходнасці Саўчанку і вярнуць яе дадому», - заявіў Парашэнка.
Прэзідэнт Украіны адзначыў, што «за гэтыя амаль два гады ні разу з крыніц, якія заслугоўваюць даверу, ніводнай прапановы аб абмене Саўчанкі не паступала».
Раней афіцыйны прадстаўнік расійскага МЗС Марыя Захарава паведаміла, што перамовы з нагоды абмену Саўчанкі не вядуцца, бо яшчэ няма рашэння суда над ёю.
З ліпеня 2014 года Саўчанка знаходзіцца ў расійскім СІЗА. Суд мае намер абвясціць прысуд ўкраінскай лётчыцы 21—22 сакавіка. Абвінавачванне просіць для лётчыцы 23 гады пазбаўлення волі.
Яна трымае сухую галадоўку.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?20
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары