Prezident Biełarusi ŭkazam №92 ad 9 sakavika zaćvierdziŭ novyja staŭki akcyzaŭ na tytuniovyja vyraby i paliva, što z ulikam značnaj doli akcyzu ŭ kančatkovaj canie moža pryvieści da prykmietnaha padaražeńnia hetych tavaraŭ. Tekst dakumienta apublikavany na Nacyjanalnym pravavym partale.
U pryvatnaści, akcyzy na tytuń vyraśli ŭ pieršym paŭhodździ na 50% u paraŭnańni z raniej ustanoŭlenym, na cyharety samaj tannaj cenavaj hrupy - na 13%, samaj darahoj — na 37%. Pry hetym, jak paviedamlaŭ TUT.BY, dola akcyzu ŭ sabiekoštu cyharet užo dasiahaje 54%.
Akcyzy na aŭtamabilny bienzin i dyzpaliva vyrastajuć na 50%.
Jak raniej paviedamlałasia, rašeńnie ab pazapłanavym pavyšeńni stavak akcyzaŭ rychtavałasia dla pavieličeńnia pastupleńnia dachodaŭ u dziaržkaznu. Pry hetym staŭki na ałkahol vyrašana nie mianiać.
Nahadajem, što biudžet Biełarusi na 2016 hod sfarmiravany zychodziačy z cany na naftu 50 dalaraŭ za baral. Padziei pačatku hoda adkarektavali košt «čornaha zołata» da 30-35 dalaraŭ, vymusiŭšy biełaruski ŭrad zaniacca pieraprahnazavańniem raschodaŭ i dachodaŭ kazny. «Nichto nie moža z vysokaj stupieńniu vierahodnaści skazać, jak budzie siabie pavodzić źniešniaja rynkavaja stychija. Ale my pavinny być hatovyja da horšaha scenaryja», — skazaŭ na pasiadžeńni prezidyuma Saŭmina 9 lutaha premjer-ministr Andrej Kabiakoŭ.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)