Prezident Ukrainy Piatro Parašenka razhladaje try varyjanty raźvićcia padziej z pryznačeńniem novaha ŭrada.
Pra heta paviedamiŭ na svajoj staroncy ŭ Facebook pres-sakratar prezidenta Śviatasłaŭ Cahołka.
Pavodle jaho słoŭ, siońnia Parašenka pravioŭ sustrečy ź lidarami frakcyj, taksama jon sustreŭsia ź lidaram partyi «Samapomač» Andrejem Sadavym.
«Meta ŭsich sustreč prezidenta z palityčnymi lidarami — paskareńnie vychadu z palityčnaha kryzisu. Dla ŭsich zrazumieła, što dla farmiravańnia novaha ŭrada patrebnaja novaja kaalicyja. Jaje hałoŭnymi kryterami pavinna stać zachavańnie prajeŭrapiejskaha kursu i paskareńnie reformaŭ», — napisaŭ Cahołka.
Jon adznačyŭ, što jość try varyjanty raźvićcia padziej.
Pieršy — heta technakratyčny ŭrad na čale z Natallaj Jareśka «ŭ vypadku abjadnańnia ŭsich prajeŭrapiejskich frakcyj» vakoł takoha ŭrada.
Druhim źjaŭlajecca «palityčny ŭrad (naprykład, na čale z A. Sadavym)».
«Meta hetaha ŭrada, jak i papiaredniaha — paskareńnie tempu reformaŭ», — dadaŭ pres-sakratar.
Trecim varyjantam źjaŭlajecca ŭrad na čale ź inšym čałaviekam.
«Kali parłamienckija siły majuć inšyja kandydatury, chaj prapanoŭvajuć ich i znachodziać 226 hałasoŭ u Viarchoŭnaj Radzie. Prezident hatovy pracavać ź lubym kandydatam, jakoha prapanuje kaalicyja», — adznačyŭ Cahołka.
