Małady čałaviek z prykutaj kajdankami dziaŭčynaj vyklikaŭ tryvohu žycharoŭ Hrodna: abvieščany vyšuk, paviedamili ŭ pres-słužbie UUS Hrodzienskaha abłvykankama.
U orhany ŭnutranych spraŭ 5 sakavika źviarnułasia žycharka abłasnoha centra. Žančyna stała vidavočcam dziŭnaj situacyi. Jana bačyła, jak pa vulicy małady čałaviek vioŭ dziaŭčynu ŭ kajdankach. Heta adbyłosia pablizu prypynku hramadskaha transpartu «Dom Muraŭjova» pa vuł. Savieckaj.
Pa fakcie pravodzicca pravierka, u tym liku adpracoŭvajecca kryminalnaja viersija ab supraćpraŭnych dziejańniach u adnosinach da pradstaŭnicy słabaha połu. Miascovych žycharoŭ, jakija majuć jakuju-niebudź infarmacyjaj, prosiać źviarnucca ŭ milicyju. Na sajcie abłasnoha UUS i ŭ sacyjalnych sietkach raźmiaścili fota šukanaha chłopca. Praŭda, va UUS nie vyklučajuć, što pavodziny maładych ludziej mohuć tłumačycca rozyhryšam ci, naprykład, aryhinalnaj prapanovaj ruki i serca.
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki33
Kamientary