U Minskim haradskim sudzie praciahvajecca słuchańnie pa «spravie 17» ab bujnoj złačynnaj hrupie pa raspaŭsiudžvańni narkotykaŭ. Abvinavačvany Valeryj Strabkoŭ u sud nie źjaviŭsia, ciapier jaho šukajuć pravaachoŭnyja orhany.
Pavodle słoŭ svajakoŭ abvinavačvanych, apošnija dni Strabkoŭ prychodziŭ na praces napadpitku. Viadoma, što napiaredadni jon znoŭ ŭžyvaŭ ałkahol i ŭ vyniku da budynka suda tak i nie zmoh dabracca.
Sudździa Siarhiej Chrypač, jaki staršynstvuje ŭ spravie, zajaviŭ, što zachady pa vyšuku abvinavačanaha zroblenyja. «Spadziajemsia, što na zaŭtra jaho ŭ sud dastaviać», — zaznačyŭ sudździa.
Strabkoŭ abvinavačvajecca ŭ zachoŭvańni narkotykaŭ biez mety zbytu (č. 1 art. 328 KK). Svaju vinu jon pryznaŭ całkam. U adroźnieńnie ad bolšaści padsudnych pa «spravie 17» Strabkoŭ nie ŭtrymlivajecca pad vartaj u SIZA. Mahčyma, paśla niajaŭki ŭ sud miera strymańnia ŭ adnosinach da jaho budzie źmienienaja.
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii
Kamientary