Salistka hurtu «Leninhrad» Alisa Voks sychodzić z kalektyvu i maje namier zapuścić svoj solny prajekt. Pra heta jana abviaściła ŭ svaim błohu ŭ Instagram.
«Ja pryniała rašeńnie pakinuć hurt «Leninhrad» i zapuskaju svoj solny prajekt!» — napisała jana.
«Vielmi rada, što mahu padzialić z vami ŭsimi hety novy etap u maim žyćci», — adznačyła śpiavačka. Pavodle jaje słoŭ, praca ź lidaram hurtu Siarhiejem Šnuravym dała joj «vielizarny dośvied sceničnaha žyćcia». «Ja biaskonca ŭdziačnaja jamu za mahčymaść raźvivacca i ŭdaskanalvacca», — padkreśliła Voks.
Jak piša «Komsomolskaja pravda», u čaćvier, 24 sakavika, na kancercie ŭ maskoŭskim kłubie Stadium Live, dzie davaŭ kancert «Leninhrad», na scenie pobač sa Šnuravym zamiest Voks vystupali dźvie nieznajomyja dziaŭčyny.
Voks vykonvała takija pieśni «Leninhrada», jak «Patryjotka», «Sumka», «Płaču i płaču», «Ekspanat» («Na łabutenach»).
Čytajcie taksama:
Kamientary