Nia mienš za 22 čałavieki zahinuli ŭ vyniku troch vybuchaŭ śmiarotnikaŭ u horadzie Aden, na poŭdni Jemenu. Vidavočcy taksama paviedamlajuć pra dziasiatki paranienych, siarod jakich jość žančyny i dzieci.
Vybuchi adbylisia na kantrolna-prapusknych punktach. U adnym vypadku chutkaja dapamoha, jakoj kiravaŭ śmiarotnik, vybuchnuła la armiejskaha KPP. Jašče dva vybuchi byli ździejśnienyja na darozie, što viadzie da bazy, jakuju vykarystoŭvali vojski arabskaj kaalicyi na čale z Saudaŭskaj Arabijaj, pieradaje VVS.
Adkaznaść za vybuchi ŭziała na siabie ekstremisckaja hrupoŭka «Isłamskaja dziaržava».
Uzbrojeny kanflikt u Jemenie praciahvajecca z 2014 hodu. Paŭstancy-chusity i lajalnaja eks-prezydentu Ali Abdale Salechu častka armii supraćstajać vojskam vyhnanaha imi prezydenta Abd Rabu Mansura Chadzi, jakich padtrymlivajuć siły arabskaj kaalicyi na čale z Saudaŭskaj Arabijaj.
