U sakaviku letaś aŭstralijskamu fanatu «Lestera» Toni Skiefinhtanu pastavili strašny dyjahnaz — rak apiendyksa. Lekary śćviardžali, što Toni u najlepšym vypadku zastałosia žyć nie bolš za miesiac, ale jon da hetaha času praciahvaje zmahacca. Pry hetym fan «lisic», jaki zaŭzieje za kłub ŭsio žyćcio, śćviardžaje, što mienavita luboŭ da «Lestera» dapamahaje jamu supraćstajać chvarobie.
Toni naradziŭsia i vyras u Aŭstralii, ale maje brytanskija karani - jaho dziadula i babula rodam ź viosački Skiefinhton, što ŭ hrafstvie Lesteršyr. Adsiul u 51-hadovaha baćki traich dziaciej i takoje proźvišča.
«Vyratavańnie kłuba ad vyletu z premjer-lihi ŭ minułym siezonie nadało mnie sił, — pryznajecca były aficer palicyi Skiefinhton. — Kali ž kamanda siensacyjna pačała lidziravać u hetym siezonie, ja daŭ sabie ŭstanoŭku, što nie pamru, pakul «lisy» nie stanuć čempijonami». Na kaniec minułaha hoda jon aznačyŭ sabie metu — upieršyniu ŭ žyćci naviedać adzin z matčaŭ «Lestera», ale stan zdarojaŭ, jaki pahoršyŭsia, nie dazvoliŭ Toni źlatać na «Kinh Pauer Stedyum».
Nie tak daŭno pra svajho addanaha fanata i jaho chvarobu daviedalisia hulcy «Lestera» i vyrašyli pasłać Toni vympieł kłuba z podpisam ŭsich hulcoŭ pieršaj kamandy razam z fota lubimaha hulca Endzi Kinha.
«Ja ciapier nie ŭ lepšaj formie, ale kali fota z Kinham pryjšło na maju elektronnuju poštu, byŭ hatovy ŭciačy ź lakarni, kab z usimi padzialicca hetaj radaściu. Ja prasiaknuŭsia simpatyjaj da Kinha jašče z tych časoŭ, jak kamanda hulała ŭ Lizie 1», — pryznajecca Skiefinhton.
A jašče Toni vielmi spadziajecca, što zhulaje jaho staŭka na pieramohu «Lestera» u bukmiekierskaj kantory. U pačatku hetaha siezonu jon daručyŭ žoncy zrabić staŭku ŭ suadnosinach 3000/1 — nie dziela hrošaj, a kab byŭ jašče adzin stymuł supraćstajać chvarobie.
«Viedajecie, ja skazaŭ žoncy Dońnie, kab jana pastaviła 2 aŭstralijskich dalara, ale jana vypadkova nacisnuła jašče adnu knopku i pastaviła 20! Što ž, kali «Lester» vyjhraje, heta budzie dobraja padtrymka dla majoj siamji. Ale hrošy, viadoma, nie hałoŭnaje».
U apošni čas Toni stała zusim drenna — kali čarhovaja chimijaterapija nie daść vyniku, jon u lepšym vypadku dažyvie da kanca krasavika. Zrešty, Skiefinhton raźličvaje jašče pazmahacca i ŭsio ž ŭbačyć, jak Ues Morhan ŭ mai padymie nad hałavoj čempijonski trafiej.
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary